بقلم / يوسف الميري
لو لسه بتحبها ..
إفتح لها ” قلبك “
هتجيك أكيد لكن
لو لسه بتحبك !
لو مجتش خلاص
القصة منتهية ..
إياك تقول إخلاص
وكلام مالوش دية
إبعد ده بعدك خير
والله مش خسران
الحب ده تقدير
مش كلمتين ورهاان
إدفن حنينك حي
مش طالبة أي جراح
هيفيد بإيه الجاي
لو كل عمرك راح
على ناس قلوبهم نار
ما بتطفيش ،
ب العكس لا بتزيد
فبلاها م المشوار
وابعد بعيد وبعيد
شربها كيف ماشربت
تعبت ! وإيه يعني
مانت اللي ياما تعبت
لا عليها هان تعبك
ولا هان عليها الدمع
المسألة مابقتش ..
تقبل لا طرح ولا جمع !
أنا كنت شاعر حر
بكتبلها شعر يعيش
فبدأت ” بتحبني “
ونهيت ” ماحبتنيش
فاصبر بلاها نواح
دي الدنيا دي أسباب
كل اللي عاش مرتاح
عاش قبلها في عذاب