بقلم / كريمة أبو النجا
____________
وسط حواجز
الألم
بتعزف لحن السلام
بتصحي فينا الأمل
لمائة سنة قدام
وسط سنابل ذهب
طرحة قمح وخير
بتمدنا بالأمل
وغيره ما لينا بديل
بكرة يا حلم بعيد
جى بيتمخطر
أكيد الصبر جميل
معه الخير أكتر
وأحنا من الصابرين
بأيدينا الجي أفضل
نزرع صحارى تكون
بساتين زيتون أخضر
ومعها تمر وتين
والخير فى أرضنا يكتر
وسط حواجز الالم
ب تعزف لحن السلام
سمع الحمام عزفها
وقف كدا ونادى
جمع اسراب الحمام
وغنى يا بلادى
غالية وجوا العين
ساكنة يا بلادى
لك فى القلب السلام
يا حبى و فؤادي
أم الشهيد بدلت ثوبها
بثوب أبيض
برغم دمع العيون
وصرخة مكتومة
قالت أبنى شهيد
وموته مختومة
بختم مصر الكرامة
حنا الشهيد أرضها
بالدم ودمه كان عنبر
ويوم جنازته كان
عريس على المنبر
أم الشهيد صامدة
و حاضنة البيادة
وكان دم الشهيد
مالها بزيادة
قالت أم الشهيد
قوليلى يا بيادة
أبنى مات بطل
واقف كدا بصمود
وكان قلبه جسور
ولا خاف م الموت
بكت عيون الجميع
وهى واقفة بصمود
أم الشهيد