ابراهيم #منصور #بدر
………………….
عاوز ..
أهيّس من قلبى..
عاوز..
أطير ..
أصرخ..
اتشقلط..
ضاقت بينا،،
واتغتطينا..
بخيش الخوف..
مين جوّاه العطف؟..
مين الضعف ..
مشربهوش..
من مر الحقد؟..
مين ف العالم..
بقى بيحب؟..
استنونى ..
ف عالم تانى..
فيه الروح..
ف سماها بتنظر،،
ومتقدرش تنادى لحد!..
عالم فاضى ..
مالهوش ارض!.
صور الناس..
ف عيونى بتصغر..
كل مبكبر ثانيه..
عايش دنيا..
غير الدنيا..
ساكت،،
وجوارحى بتتألم ..
من أحاسيسىي!..
مستغرب ..
ف عنيها الغربه،،
وعيونى..
بتتكلّم بحنان..
شكلى قصادى..
كأنى صغيّر..
بستجدى العطف..
مطعون ..
من ضهرى ،،
ومن صدرى،،
عايش عمرى..
ف لحظة ضعف!.
أنا عاوز..
أهييس من قلبى،،
علشان ..
أتجنن ف مرايتى..
وأعقل..
زي بقيت الناس!.