كتبت /شوزان توفيق
المكونات الأساسية للتندوري
توابل ( جنزبيل فريش مفروم + ثوم مفروم + بصل بودر + ملح + كسبرة ناشفة + كمون + ماسالا بودر( بهارات هندي) + بابريكا+ معجون طماطم + كركم بودر + كاري + شطة حمرا بودر + كوب كبير زبادي + زيت ذرة + عصير ليمون + خل )
الطريقة.
نقطع الفراخ علي اربع تربع ونشرط الفرخة بالسكينة ( بتعملى فتحات عميقة بكل قطعة من الفراخ ) عشان التتبيلة تدخل جوة
ملحوظه :ممكن نستخدم فى الوصفه دى الوراك بس
فى بوله تخلط كل مكونات التتبيلة
نحط الفرخة في التتبيلة ونقلبها كويس وتغطى ونسيبها فى الثلاجه لمدة يوم كامل ونسويها في الفرن أو على الفحم أو نحط الفرخة على شبكة وبتحطي تحته صينية وتدخل الفرن
بتحطي بأرضية الصينية شرائح بطاطس وبصل وبتضيفي للبطاطس والبصل باقي التتبيلة اللي كانت على الفرخة منقوعة فيها ويوضع كوب ماء مع البطاطس والبصل ويقلب وتسيبها من ساعة لساعة وربع فى الفرن على حرارة 240_250 أو تحطيها فى صينية فرن وتدخل متغطية بالفويل برده
بعدها بتشيلي الفويل وبتاخدي من الصوص اللي بالصينية وبتدهني الفرخة وتحطيها تحت الشواية تتحمر وبالف هنا وشفا