ينقلها للتذكرة : محمد عبد المجيد خضر
_من جميل ما قرأت _
صلاح جاهين أديب وشاعر ساخر ودمه خفيف أثرى المكتبة العربية بادب غالي ونفيس وجمع بين العامية والفصحى وابهرنا بجميل اشعاره وحكاياته وغناويه وهذه قطعة صغيرة جدا ولذيذة تحمل معاني كثيرة جدا في بضع كلمات واقل السطور انقلها لكم للمتعة التي افتقدناها :
فى ناس بتشوفها مره وتعيش جواك سنين….
وناس فى كل مره .. بتشوفها تقول دى مين…
وناس تاخد حاجات وناس بتسيب حاجات..
وناس ويا الساعات بتروح وتسيب حنين.
وناس عشرتها مره .. وياها تعيش حزين..
وناس الدنيا مره. من غيرها ولو يومين..
وناس عشان حاجات . ممكن تبيع حاجات.
وناس عشان ساعات. ممكن تبيع سنين.
فى عيون تشبه عنينا . صافيين و قريبين .
وعيون تشبه مدينة . مفيهاش ناس طيبين.
وعيون حزن وسكوت . وعيون حضن وبيوت.
وعيون تقدر تفوت … جواك فى ثانيتين..
“في ناس بنشوفها بالألوان وناس جواها مش بيبان.
وناس اسود وناس أبيض وناس محتاجه بس أمان.
وأكتر ناس تآمنهم ما بيجي الجرح غير منهم.
وناس انت بعيد عنهم بتنسي معاهم الأحزان”
وعجبي !!!