بقلم _ رودينا حسين حمدي
من نبضة القلب من أعماق وجدانى
أهييب بالقلم أن هيا فلبانى
هاكتب رسالة لمعاليكم
يمكن تكون نقطة بداية ليا وليكم
سؤال وإجابته مش هزار
هاستنى الرد والقرار
إحنا ليه ما بقيناش أطفال
بقينا ماكينة تطلع نار
من قال علشان أتعلم
لازم حياتى تنهار
فى عقولنا بتحشوا معلومات
وبعد شوية تصير غبار
كل حياتى بقت أمنية
إيه أمنيتى
ألعب وأضحك وأناملى شوية
كل حياتى بقت تعليم
اكتب إقرأ احفظ سمع
روح مدرستك روح على درسك
خلص واجبك أوعى تنام
لعب وضحك ده كله هزار
فين طفولتى فين برائتى
ليه بتكدسوا جوا عقولنا
ليه خليتوا تعليمنا فشلنا
نفسى اتعلم عشان اتعلم
أنا بتعلم
علشان أنجح مش أتعلم
حسوا بينا واسمعونا
شاركونا إيه رأيكم إيه هدفكم
ولا احنا مش ف اعتباركم
رسالة لمن يهمه الأمر
إحنا تعبنا من التعليم بالأمر
إحنا تعبنا من التعليم بالأمر