سمر_إسماعيل
عمرك ما كنت ف مجال إختيار
طول عمرك ف قلبى تاريخ الشعر كله
م المتنبى ، لإبن الرومى ، لشوقى ، لنزار
طول عمرك ف عينى من المعجزات
السبع ، زىّ الهرم والنيل ، زىّ الفنار
طول عمرى ليا ف عيونك أحلى دار
طول عمرى فرحى ليك أعظم إنتصار
أنت القمر لما إستدار
أنت وقود الثورة ، أنت الشرار
أنت حمامة وعنكبوت
صديق صدوق ف الغار
يمكن طال علينا الإنتظار
يمكن مكنش بإيدينا القرار
يمكن عانينا من قسوة
الشوق والوجد والحصار
بس الأكيد من بعد ليلنا
الطويل هيجيلنا النهار
أكيد هننزل ع فراقنا ووجعنا الستار
أكيد جناين حبنا هتطرح ثمار
عرفاك قد الإختيار لكن بتراجعنى
ولا خاب يا قلبى من إستشار