سحر ابوالعلا
و لما الشوق غلبني و جيت
و قلبي قال خلاص حنيت
لقيتك بعت و استكفيت
و انا اللي عمري فى يوم ما نسيت
و طول البعد كنت معايا
بشوفك كأنى شايفة
نفسي فى مرايا
و رسماك حلم جوايا
و راسمة ما بينا حياة
و لما الشوق غلبني و جيت
و لما لقيت
لقيتك بعت و استكفيت
كسرت الحلم جوايا
مسحت بإيدي رسمايا
قتلت الشوق كسرت الطوق
و اتاريني كما الغرقان
بيتعلق فى قشاية
و قشايتي كانت كدبة
يا دوبك عايشة جوايا.