كتبت /شوزان توفيق
تجهيز المكرونه:
.
اخترت المكرونه التقليدية ومافي شك تقدروا تختاروا اي شكل ثاني
.
غليت الماء والملح .. وكمية الملح عالنظر .. ونزلت المعكرونه وبس حسيت انها استوت بس مو طرية حيل .. صفيتها من الماء
.
نزلتها بماء بارد ثواني لايقاف النضج .. وصفيتها وخليتها على جنب
.
خلطة اللحم:
.
اللحم فريش .. فرم خشن .. قلبته بدون زيت لما طلع منه الماء ونشف .. قمت ونزلت عليه بصل وقلبت الجميع .. وبعدها حطيت بهارات اللحم المفروم
.
واللي ماعنده او مايبي يشتري يحط .. ملح وفلفل اسود وبهار حلو وجوز الطيب وبابريكا وممكن نحط قرفه
.
قلبت الجميع .. ونزلت علبة طماطم مقطع ومقشر وقلبتهم وغطيتهم لحين تمام النضج
.
لتحضير الباشاميل:
.
ذوبت ملعقتين زبدة ونزلت عليهم ملعقتين طحين وحركتهم لما الطحين يشقر شوي
.
نزلت عليه كوبين الا ربع حليب سائل وربع كوب كريمه (بالتدريج علشان لايتكتل) مع التحريك المستمر
.
بالنهاية صار ثقيل .. نزلت نص كوب موزاريلا وملح وفلفل ابيض وجوز الطيب
.
صبيت الباشاميل بطبق عميق وخفقت بيضه واضفتها عالباشاميل وحركت بسرررررررررعه علشان البيضه لا تنضج وتستوي من سخونة الباشاميل
.
خلطت المعكرونه المسلوقه بالباشاميل (وخليت حوالي ربع كوب باشاميل على جنب)
.
تجهيز الطبق:
.
بطبق الفرن حطيت طبقه معكرونه وفوقها خليط اللحم وبالاخير طبقه معكرونه (حاولوا تكون طبقات المعكرونه متساوية) علشان الشكل النهائي
.
متذكرين ربع كوب الباشاميل اللي خليته على جنب؟؟ صبيته عالوجه ودخلت الطبق الفرن محمي مسبقا وحرارة عالية جدا من تحت فقط لمدة نص ساعه
.
فتحت الشواية مع تحت .. وخليته ربع ساعه وبالعافية
.
اذا حابين تقطعون الباشاميل قطع شكلها مرتب .. انتظروا لما تبرد شوي وقطعوها .. لاتقطعونها ساخنه