.##إبراهيم##منصور #بدر
……………………
{1}.
عايز أغيّر ..
عالم قلبى..
أسكُت،،
وأنسى،،
وأرسم ..
شخابيط عالحيط
وأعمل نفسي..
أكنِّى مكنتش،
وﻻ كان ليّه ؟..
على بسطة..
سلم بيتنا الدافى..
عيِّل ..
حافى ..
ميوله غريبة!..
كان بيشوف..
ف شقوق الحيط
تعاويذ سحر،
ونجمة بحر؛
وعروسه بفستان..
إسود ف إسود!.
………………………………
{2}..
وأنت بتحلم..
كنت ..
ف عز جمال الحلم
تحس مرار ف الحلق
كنت تقوم..
من أجمل حلم..
تمسح دمعك من على خدك!.
الحالم ..
ف العالم ضايع
مش مسموع..
مع إنُّه حقيقى؟
شق طريق..
لمشاعر صادقه ..
شئ مجهول..
ف زمان متغرّب!.
…………………………………
{3}…
فاكر..
إيه ولّا إيه ؟
صوت..
الدموع فوق الورق..
شمعة،،
وكتاب ذكريات
همسك ،،
وتنهيد الوجع
إسمع ..
لصوت الخروشة……
حاسس..
بمين بيقولَّك إيه؟
أنا قلتلك..
تمسح ..
مع دموعك حنينك..
مبقتش خربشة الحيطان..
ترسم مخاوف،،
وﻻ عشت سالم،
وﻻ عشت خايف
عشت طفّايه لجراح
كل اللى دخلوا دنيتك!.
ورضيت تموت،،
والموت..
رفض يدخل حياتك!..
رغم ان كل خليَّة فيك..
قالت وداعها آخرتك!.