……..
{1}
مش عارف ..
بعد دفانا ..
بقينا ف برد،،
ولاعارف ابقى بعيد،،
ولا حاسس انى قريّب..
انا بين عمرين ،،
وماليش غير عمر،،
ازاى بتحبك،،
وتطوِّل أيام البعد؟.
…………………………
{2}
ف الأوّل ..
كان ملهوف مخطوف..
حاسس بيها ،،
وضى عنيها
منوّر روحه وناسى الخوف
يادوب مرّات
وبردت ف اللقا الأوقات،،
وبانت قسوتك على حق..
عرفينى؟..
اناقلبى من حيرة خيالى
خايف يدق!.
………………………………..
{3}
الفلسفة،،
والأنفعال من حال لحال..
ميفسروش سر البعاد ..
بحلم احبك بامتداد ..
بعد السما عن ارض ..
حجزاها السحاب ..
تعبان اوى ،،
من برد انات العذاب,,
ايه اللى وصل
دفة الحب لشعور بالأغتراب؟.
………………………………….
{4}
هدّى الوجع..
انت اللى تاعب…
قلب روحك فوق..
اسأل ،،
وسيب الغيب يجاوبك،،
ومتنشغلش..
بأسئله تحرّك مخاوفك..
الرب شايفك،،
مهما كنت من العيون
متدارى منك فيك!..
ليلك ماليك أنوار،،
ومسافة الأقدار لمح البصر
تاخدك لجنه أو لنار؟.
……………………………….
{5}
حل عقدك بالتجاهل..
خلى درب الفرقة ساهل،،
واغسل الروح بالدموع،،
وادمى المشاعر أسئله..
إفرد جناحك عالسحاب
سر الغياب
هيحير اللى..
فارقتهم من غير كلام؟.