…………………………
{1}دلوقتى مين..
رايح لفين؟..
متبرريش الأنكسار ..
بالقضاء والقدر..
متحمليش ضي القمر ..
ذنب الغياب،،
وانتى اللى ضلّمتيه؟..
عارفة الحقايق مؤلمه..
كتر الغنا..
علم الدمع السكوت ..
قطع اليقين،،
وفتح ببان الشك..
ف حيطان البيوت!.
……………………………………..
{2}
فاكر..
شكل الشمس امبارح،،
ولّا ناسيه؟..
شجر الورد..
رويته حنان،،
وسقاك احزان،..
وسكت عشان..
تفضل انسان!.
…………………………….
{3}
تعرف..
تتمادى ف اساك..
من هنا وهناك
بتغطى الروح..
بأنين القلب،،
وبتكسى جوارحك..
أشواك!.
…………………………..
{4}
اه لو أعرف..
إنتى فين..
من كل ده..
تاهت عيوني..
بين ملامح..
نسل حوا،،
كتر البكا..
علمنى ..
إزّاي أبتسم!.
أنا بترسم ..
على وجنتيكى دمعتين!.
……………………………..
{5}
سبتلك..
أحزان رقيقه..
ألحان ..
بطعم حنين برئ،،
ومشيت ..
لوحدى ف الطريق..
علشان..
أدوّر عالحقيقه..
قطّعتى شرايين
الوفا،،
وغرقتى ..
ف بحور الخطيئه!.