بقلم/محمد بركات
ياللى نسيت الود اللى كان بينا
وبعت فى ثوانى ياقاسى كل احلامنا
ياريت ماكان الزمان ع الحب جمعنا
ولا عرفتك ولا فى يوم اتقابلنا
وياريت ما كان الحب وياريت ماكنا
طول عمرى بخاف من لحظة وداعنا
وبقول للزمان والنبى يازمان ماتفرقنا
ولا تشمت العزال فينا وف مواجعنا
مخطرش على بالى يجرا اللى جرالى
من غدرك انت
واللى خوفت منه
طول عمرى كله
كان احن عليا منك
عطف عليا الزمان
علمنى ازاى النسيان
والصبر على بعدك
خد كل الجراح
مع الايام وراح
بقلبى بعيد.. بعيد عنك
وانت صعبان عليك
اطلع من ايديك
واهرب بروحى منك
عاوز تنسانى
وتحرم عليا النسيان
وتلوف انت بغيرى
وتكتب عليا الحرمان
يااااه من ظلمك
وغدرك انت