سحر ابوالعلا
ابويا…..
مفتكرش فى يوم ابويا
لو كنت اطلب نور عنيه
عمره ما كان يغلى عليا
لما كنت بغيب عليه
كان يقولي متأخريش حضنك عليا
بتوحشيني لو تغيبي
ما انتي روحي و نور عنيا
كنت بضحك و اقول سامحني
غصب عني غيابي و الله مش بأديا
لسة فاكرة عيد ميلاده
و وردة لسة رغم موته زي ما هي
كان محافظ عليها دايما
و يقول دي هدية عزيزة عليا
لسة فاكرة فرحته
لما جرب من اديا
اول فنجان قهوة ليا
و اما اعمل طبخة حلوة
يقول لأمي بنتي طباخة و ذكية
ابويا كان طيب
كان دايما من قلبي قريب
صحيح و حشة من غيره الحياة
بس ساب لي جوة مني ذكري منه
عايشة دايما رغم انه
مبقاش خلاص ادام عنيا .
