نور خليل
عدى على مصر حكام كتير بشخصيات مختلفه لكن حاكم بالجنون ده لا لازم تبقى فتره حكموا مختلفه ومجنونه زيه…
لما مات العزيز بالله تاني خلفاء الدوله الفاطميه مكنش عنده ولي عهد غير المنصور ابنه اللي كان لسه مكملش 11 سنه، متخيلين لما عيل زي ده يمسك مصر والشام والعراق واجزاء من الحجاز وجنوب افريقيا هيعمل ايه؟ ده والله لازم يخربها ، العزيز بالله قبل ما يموت ساب على الحاكم اتنين اوصيه ساب الخادم بتاعه واللي ربى الحاكم من وهو صغير “برجوان” وكمان ساب عليه ” ابن عمار” وده كان راجل كبير اوي في الدوله وست الملك اخت المنصور الي اكبر منه ب 16سنه.
راحت لاخوها الحاكم بامر الله وخلته يقتل برجوان وكل اللي يقربوله ، الناس بقى بدأت تخوف الحاكم من اخته وقالوا له دي خلصت من ابن عمار وبرجوان قادره كمان تخلص منك، راح طلع عليها سمعه وحشه وخاض في عرضها وقت*ل ناس كتير من اعيان الدوله الكبار لمجرد انهم على علاقه مع ست الملك فأخته طبعا زعلت وقعدت في البيت وما بقتش تخرج خالص.
مسك بقى المنصور الحكم لوحده وهو عنده 15 سنه كان بيحب القتل اوي وكل يوم كده يموتله كام وزير ،ده حتى من المعروف عن الفتره بتاعته ان عدد الوزراء اللي ماتوا في عهده موته طبيعيه يتعدوا على صوابع الايد،وكمان بيتقال ان وصل عدد الناس اللي ق*تلهم ل 18000 بني ادم .
وكان عليه شويه قرارات مجنونه
اول حاجه منع الستات خالص انها تنزل الشارع ومنع الصورماتيه انها تعمل جزم للستات خالص، منع كمان اكل الملوخيه اصل معاويه بن ابي سفيان كان بيحبها (وطبعا معروف ان الدوله الفاطميه كانوا شيعه واللي يحبوا معاويه الحاكم ما يحبوش )، كمان منع اكل الجرجير اصل السيده عائشه كانت بتحبه، ومنع بقى العنب والزبيب خالص بيقوللك ده بيتعمل منه الخمره،ومع صلاه العيد والتراويح، وعمل بقى حاجه غريبه خالص خلي الشغل بالليل والنوم بالنهار وبالتالي مواعيد الصلاه اتعكست ،
ولما هبت منه خالص بقى قال نجيب اهل البيت يدفنوا هنا في مصر اصل السعوديه فيها الحج والعمره والسياحه والفلوس بأمه ريحالها فانا اجيب اهل البيت في يدفنوا هنا جنبي والداخل ده يعود عليا ، وفعلا بعت ناس ينبشوا قبر الرسول مرتين لكن فشلوا طبعا اصل اهل المدينه كانوا اقوياء واي بني ادم يفكر يعمل كده يقت*لوه فورا .
ده كمان ادعى الالهيه وغير اسمه من الحاكم بامر الله للحاكم بامره (دي هبت منه خالص) وبدا فعلا في الدعوه لتأليهه وعمل سجل عشان الناس تروح تسجل اسمها انهم مؤمنين به يعني وكده والناس في مصر كانت بتترعب منه ولما كانوا بيشوفوه ماشي في الشارع كانوا بيسجدوا له فمش هتفرق بقى بيعبدوه ولا لا وفعلا 17000 واحد راحوا سجلوا اسمهم ،وفضل الهبل ده شغال لحد سنه 411 هجريا لما الحاكم بعا شويه ناس لمسجد عمرو بن العاص اللي في الفسطاط عشان يدعوا الناس انهم يؤمنوا بيه، بس المصريين كانوا سنه ومسكوا الناس اللي تبع الحاكم دول وموتوهم من الضرب طار فيها ارقاب، اصل الناس كانت خلاص جابت اخرها وبقلهم 25 سنه عايشين في الهبل ده.
الحاكم كان بيلبس هدوم بسيطه خالص عبايه من الصوف مش لبس مبهرج زي الي الملوك بتلبسه.
وكان عنده عاده انه بياخذ الدابه بتاعته ويخرج كل يوم لجبل المقطم وفي مره خرج ومرجعش لقوا الدابه بتاعته راجعه لوحدها وهو اختفى تماما، بيقولوا ان ست الملك اخته هي اللي قتلته بعد ما جابت اخرها من تصرفاته، وبعده مسك ابنه علي (بيبرس) الحكم
نقاش حول الموضوع الحالي