دمياط _فريدة الموجي
الفنان علي الشريف لما راح يتقدم لزوجته قالها ” أنا مليش حد في الدنيا دي وأنتِ كمان ملكيش حد.. فيا اما نكون سند لبعض في الدنيا دي.. يا اما كل واحد يتعكز علي نفسه ويواجه الدنيا لوحدة “
_ ولما بقي فنان ومشهور ومرتاح ماديا خافت ليتجوز عليها وبدات تهتم بيه بشكل اكبر لما خد باله من فرق المعامله ضحك وقالها ” أنتِ خايفه اتجوز عليكي / عشان أنا ممكن اقابل ستات أجمل منك / أنا عمري ما أنسي الست الاصيلة اللي فضلت سندي في الوقت اللي كنت مش معايا فلوس ولا املك حاجه ولا لاقي أكل ” .
_ يوم وفاته كان في بروفه مسرحية ولما تعب جامد رفض يروح للدكتور وقالهم ” ودوني عند خضره عايز اموت وأنا مطمن ”
_ ولما وصل البيت جمع ولاده وقالهم ” أمكم دي اجمل وافضل ست في الدنيا بالله عليكم متهينوهاش بعد ما موت ” وبكي
_ قبل ما يموت قالها ” متصرخيش عليا بعد ما أموت وخدي بالك من العيال ولو عايزة تتجوزي بعدي اتجوزي أنا راضي والله يا خضرة ”
وردد الشهادتين تلات مرات ورحل.
![ربما تحتوي الصورة على: ٢ شخصان، نص](https://scontent.fcai19-2.fna.fbcdn.net/v/t1.0-0/p526x296/106212069_2657601581182156_4834463561088779829_n.jpg?_nc_cat=101&_nc_sid=ca434c&_nc_ohc=CJnWn6xk2UIAX_ogXOa&_nc_ht=scontent.fcai19-2.fna&_nc_tp=6&oh=04afbfafa51c62d6b4dd1d6b43791523&oe=5F26D55F)