اول حب في حياتي
كتب /محمد عبد المجيد خضر
قابلتك بقلب اخضر وسن اصغر وحبك نال مني واعياني
يا جميلة وعاقلة وعجباني وخفيفة وكايدة عذالي
خلاص يا حلوة ارتاح بالي واترسمت صورتك فخيالي
ورضيت بيكي انتي وبس وغيرك ولا ليهم مكان ببالي
بتسأليني ايه رأيك فيه ، طب ازاي وانت نور عينيه
وبعشق كل حاجة فيكي حتى قسوتك عليه حنيه
صحيح بشوفك كل فين وفين لكن الخيال كافي ليه
بتوحشيني صحيح وبعدك الم واوجاع مستخبية
وياترى حشوفك ولا الاقدار بتبعدنا والزمن خلى بيه
رأيي فيكي مجروح لانك عايشه جوه الروح
وصورتك والامل بالعقل والقلب ما ابدا بتروح
وحياتي بعد الهدوء والصفا صار قلبي مجروح
هرساني الحياة بحلوها ومرها لكن انتي بلسم الجروح
قالولي باين عليك مهموم ومخبي بين الضلوع متروح
لطبيب يداويك قلت العلة مش في الجسد دي الروح
طير يا حبيبي زي الطير وغرد وغني لما تيجي او تروح
سعادة قلبي بشوفتك مرتاح تسعدني وتطيب الجروح
بس أرجع واقول حبيبي ليه مش بيرحمني وفرحان
بيتباهى بعذابي لما يشوفني حيران مهموم تعبان
يعني هو دا ذنبي ان قلبي رق وخبيت على الجيران
وانكشفت لهفتي اما بتعدي امامي ويبان عليه هيمان
وابقى نفسي أطير وراكي واحضنك ماهو حبك ادمان
وسلامتكم يا حبايبي
محمد خضر