بقلم محمود الدخميسي
بوحي ياعين بالدموع
النهارده صعب كتير الرجوع
غربه وضحكت علينا.
علمتنا القسوة حتي علي أهالينا
سنين. والعمر بيجري بينا
من مدينه لمدينه
وحبيبنا. تنادينا
واحنا ولا هنا. ولاهنا
شمس الشباب غابت
ومعاها الملامح تاهت
والحلم اللي كان. تاه زينا.
في كل الأماكن
انزل يادمع وفيض. املا البحور.
مخلاص العمر فات
وبقينا معا الذكريات
عايش. ولا الاموات
بجروح. ما يداويها دموع
بنحلم بالرجوع
ونفرح القلب الموجوع
لاكن. هو دا قدرنا
نعيش. متغربين
ونتوه بين البلاد والسنين
ونعيش محرومين
من الاحبه. والقريبين
فضفضي ياعين. بالدموع
خففي ألم القلب الموجوع
موج الحياة عالي.
غير طريق حياتي
ومع الوجع. سهرت ليالي
غربه غربه.
احنا فيها أغراب
واشتقنا كتير للاحباب
من كتر الاشتياق
كتبنا من السطور كتاب
وكتبنا مكتوب للاحباب
اشتقنا لكم كل الاشتياق
بعدتنا الأيام. لاكن لساكم. في القلب أحباب
