تحية لجيشك يامصر

شعر/محمود نورالدين
تحية لجيشك يا مصر على مر العصور
جيش العزة والنصر جيش العبور
جيش أكتوبر العظيم جيش تلاتة وسبعين
مصنع الرجال الجيش الجسور
..
تحية لجيشك يا مصر ظباط وجنود
تحية لرجالتك الواقفين ع الحدود
تحية من قلوبنا لجيشنا حبيبنا
تحية لرجاله تخاف منها الأسود
..
تحية لجيشك يا مصر اللى من زمان حاميكى
وجوه عيونه شايلك ومحافظ عليكى
تحيه لجيشك أمنك اللى لو حد فكر منك
يقرب تلاقيه ف لحظة جابة تحت رجليكى
..
تحية لجيشك يا مصر اللى جنب الشعب
دايمًا تلاقيه واقف ف الوقت الصعب
الجيش اللى من زمان للعهد ما خان
وحبة حاجز مكان إجبارى ف القلب
..
تحية لجيشك يا مصر يا بهية
ربنا يحميه ليكى وليا
تحيا رجالته وطنيته وشجاعته
وتحيا جمهورية مصر العربية