سمر اسماعيل
جديد_من_تسريبات
قلب_مات
وقادر بروحه يخوض التحدى
بتجاهد ، تناضل ف ساحة
أعظم مرافعة إتقالت ف حقى
مفيش قاضى جاحد يسمع
دفاعك الا ويحكم لصالحى
بتترافع بإستماتة وبراعة
جبروتك يفوق حدود التجلى
بس علشان خاطرى أسمعنى
خلينى أنحيك عن القضية
مش عايزة أحس فيك
أنت التانى بظلمى !!!
أنا اللى قتلته …
أنا مش بريئة من دمه …
وعندك دليل إدانتى بصماتى
وأسمى اللى حطه ع حته منه !!
معرفش أزاى أنا حبيته !!
معرفش أزاى مقدرتش
أمنع روحى عنه !!
كان زىّ عادة
كان فرض وعبادة
ومن غير إرادة
لقيته ف حضنى !!
حضن ف خيالى …
ف تنهيداته ، ف نظرة تمنى !!
ف شوقه ، ف كلامه ، ف فرحه بقربى
كان بيحس بدفا قلبى من سقعة أيدى
كان كل جميل ف الدنيا
بيجرى لحد الآن ف وريدى !!
كان حبى ومحبوبى وسيدى
والله كان غصب عنى …
يكبر جوايا أبويا ، أخويا وصاحبى
حنانه ، ورعايته أكنى طفلة بحبى
كان دايما شايلنى ف نن عينه الأتنين
واللى بيربط بينى وبينه أشواق وحنين
عمرنا ما عيشنا ف توب البنى أدمين
هتقدر وفائنا أزاى ولا منين ؟!!!
كانت عشرتنا لحظات بسنين
وأحنا أصلا كان بينا سنين وسنين !!
بتصحى القلب الميت ليه يا حزين ؟!!!
مكنش ينفع بعد متعود عليا اسيبه وأمشى !!
مكنش ينفع أحرم عينيه من عنيا …
مكنش ينفع أبعد … بعد ما كان لى دنيا …
مكنش ينفع أقسى وأستقوى
ولو حتى بحُسن نية !!
أنا الجانية مش خايفة ومعترفة
مش عايزة شفاعة ولا عايزة رآفة
مشنوقة من سنين بحكم مبيتنفذش !!
ويجى طيفه ف بالى
ف أمنية أخيرة يقول : معلش !!
هو بيتعذب بوحدتى وبموتى ف بعده !!
مكنش متخيل إخلاصى وحفظى ع عهده !!
مستحيل كان يتخيل
فراق بسمته لشفايفه !!
مستحيل كان يكذب إيمانه بيا
وهو حاسه وسامعه وشايفه !!
ومأساته أنى الحسنة الوحيدة
اللى فضلت منه تشفعله !!
معاك حق فعلا تسيئ الظن بنبله
كان قاسى ف حبه وظالم لنفسه
شبهة واحدة قتلها عشمها فيك ?
عشمه ف وفائى بيقطع ف قلبه
بسكينة مش تلمه ? سكينته
مش هاين عليها تخلى بعشمه
قتيل العشق غصب عنى وعنه
مستحيل أخيب فيا حُسن ظنه
وتبرء بجبن من إجرامى ف حقه
ياريت قلبى ما كان طاوعنى
يوم م خرجت منه ??
جديد_من_تسريبات
قلب_مات
#سمر_إسماعيل
#عشق_لا_ينتهى
