بقلم الشاعرة / كريمة الشقري.
أوعاك تداري حزنك جوه قلبك.
أوعاك تكتم دموعك وقت كسرك.
أصرخ _أصرخ
خللي الكون يسمع مواجعك.
خللي الدمعة تشفي الجروح.
خللي الصرخة لبعيد تروح.
أوعاك كلام الناس يهمك،
أوعاك يصدك.
لابد يوم حتداوي جرحك.
ليه ترسم البسمة والفؤاد موجوع.
ليه تدفن الدمعة تكوي الضلوع.
ليه تمشي ف سكة مفيهاش رجوع.
أوعاك تكون حد غيرك.
أوعى شرك يكفي خيرك.
خليك صريح…
ولو جريح… حتلاقي نفسك.
ويوم ماتفرح ف الدنيا أسرح.
واملا الوجود زهور تفتح.
والضحكة منك خليها تفرح.
خليها خيل ف قلوبنا ترمح.
خليها حب ف حياتنا يطرح.
خليك صريح ولو جريح
حتلاقي نفسك.
