د. برديس رزق تكتب “التخطي ام التخلي ؟”
بقلم الدكتوره/ برديس رزق
لا تستعجلون بالرحيل من علاقة مؤذية هربا ولا تترك الشخص لتنساه فلن يجدي هذا نفعا.
ارحل عندما تنعدم رغبتك في الشخص او تنعدم رغبتك في البقاء في العلاقة
فبهذا ستكون لديك قوة رهيبة علي صدهم و صد كل حنين زائف لما آذاك
بعدما استنفذت كل العتاب والشرح ولفت النظر؛ اصنع من كل لحظة خذلان وخيانة واشمئزاز وقود تتخطي به
معظم الناس يغادرن غضبا وهربا ورغبة في النسيان
ولكن الغاضب يهدأ والهارب يعود والرغبة في النسيان لا تتحقق حتي بدخولك في علاقات زائفة
أما المدرك الذي فطن للآذي لا يمكن ان يعود
تخطي وانت داخل العلاقة؛ خلص كل وجعك ودموعك وانت فيها
ده اللي هيخليك تتخلي بمنتهي السهولة والأريحية والرضا والاقتناع مع موت الحنين الزائف بالسكتة
التخطي إنك تاخد وقت طويل في التخطي والتعافي ده مش دليل على انك ضعيف الشخصية بالعكس ده دليل على انك كنت انسان حقيقي في كل حاجة..
التخطي عامل زي العلاج المر لازم تعدي بمرارته علشان تخف
مراحل الالم اللي بتمر بيها في بداية مشوار التخطي طبيعية جدا
اسمح لألمك يظهر افصل نفسك من الدنيا انعزل عن الناس اللي ممكن تضغطك بإنك تتظاهر تبقى كويس او تعدي المرحلة دي بسرعة جدا .. خد وقتك اتعب مرة وفوق مرة إلهي نفسك شويه عن تعبك وشويه انعزل وخرج طاقة الوجع ابكي وكلم ربنا
ربنا بيخلق الحزن كبير وبمرور الوقت بيصغر جوانا وكل فقد حسيته مش ضروري تنساه بس هتتخطاه .. مجرد شوية وقت
التخطّي… مهارة نفسية لا غنى عنها
التخطّي مش ضعف، ومش نسيان…
هو قدرتك على التحرّر النفسي من كل ما يستنزف طاقتك أو يعلّقك في الماضي.
التخطّي يعني إنك:
تفهم أخطاءك بدون جلد ذات.
تمرّ بالمشاعر الصعبة من غير ما تغرق فيها.
تشوف الناس زي ما هما، من غير ما تسمح لتصرفاتهم تتحكم في سلامك الداخلي.
تعيش الموقف… وتتعافى منه مش تعيد تكراره جوه عقلك كل يوم.
كل مرة بتتخطّى فيها وجع أو خيبة أو خوف، أنت بتدرّب عقلك على المرونة النفسية، وبتثبت إنك أقوى من اللي حصل لك.
التخطّي مش تجاهل… التخطّي وعي ونضج واسترداد لحياتك من جديد.
