فهيم عبده فهيم سيداروس
نواصل كشف فساد الحملة الميكانيكة بزفتي فهذا زيت دريكسيون لودر كاتربلر وهو غالي جدا الجركن ده تمنه اكتر من 20 الف جنيه للجركن الواحد لما زيت دريكسيون اللودر يكون بينقط والشركة تبعت 3 جراكن بالشكل اللى انتم شايفينه بالتاكيد هيتم تعويض ما تم تنقيطه فقط وهيكون بالكتير لتر او 2 لتر او حتي عشره وعشرين لتر يعني جركن واحد
نبص بقي للصورة الاولي وهي للجراكن داخل الحملة الميكانيكة بزفتي موجوده بالسياره كما ترون
نبص للصورة التانيه هنلاقي الجراكن راحت لورشة ميكانيكي جرارات حسب الصورة التانيه وخرج من الحملة الميكانيكة بزفتي وراح ورشة عند ميكانيكي جرارات اسمه محمد سليمان مرعي وهو ميكانيكي في الحمله الميكانيكه !
مين وده الزيت عنده في الورشة ورايح يعمل ايه هناك وبتاع ايه جراكن قيمتها اكتر من 60 الف جنيه تخرج بره الحمله المفترض انها لو بتستعمل بيكون تحت مراقبة اكتر من موظف لاننا عارفين الزمم الخربانه كلها فى الحملة الا من رحم ربي وبنسال مدير الحملة اللى معاه دبلوم صنايع مش كلية هندسه ومن نسبة ال5% تعينات مين نقل الجراكن دي وشة جرارات وبتعمل ايه هناك يا سمير زمزم هذا اولا.
ثانيا اللودر اللى اتصلح ب 450 الف جنيه واتفكت مكينته بواسطة الشركة وكان ممكن اي حد يعمله بره ويصلحه ومع ذلك دفعتوا الدوله 450 الف جنيه والعيب هو هو نقول فى الفساد ده ايه ومين يحاسب عليه ؟
نطالب بحملة لمراجعة فواتير الاصلاحات والزيوت والكاوتش بحملة المجلس على مدار السنوات السابقه ليعلم الجميع كم السرقات والفساد الموجود بهذه الحملة والتي سبق وعرضناها من داخل الحملة ولم يتحرك احد لكشف وايقاف هذا النزيف فى اهدار وسرقة مال الشعب
ولن نسكت على اي فساد تطاله ايدينا على اي مسئول واي جهة.
من سوف يحاسب؟ هل المسؤلين على درايه كامله بالفساد؟
هل هي تورته وبيتم تقسيمها؟
