مهما الزمن طال حقكم راجع ..
.. مصطفي العموري
ورد بلدي طارح ف أرضنا
عيونا السهرانه اللي علينا مضلله
اللي بتحرسنا كلنا
مين اللي قطفه قبل الاوان وغمنا
مش كفايه مواجع تعبنا
تعبنا م البكي ع ولادنا وزهره شبابنا
تعبنا ومن كترها جفت دموعنا
تعبنا ومن الحزن والألم قلبنا وجعنا
مش كفايه اللي ع الارض سال من دم غالي
مش كفايه كفايه هاتولنا الجاني
هاتوه افش فيه غلي واقطعه بسناني
ده اللي مات ابني واخويا وجاري
وقبلهم ابن عمي وابن خالي
دمي فاير وجوايا نار غصب عني
ودمعي ع خدي سايل نازل بيكوي
طافح مرار بيغلي هل ده قدرهم وقدري
و وفاتهم شهدا ده بس اللي مصبرني
لكن اللي قاهرني ومزعلني
انهم بيتاخدوا غدر وخيانه يا ربي
فداكوا والله نفسي
الجبان يستخبي وبياخد بغدر وع خوانه
بخسه ونداله
لو بس اتشاف او بان كان اداس تحت البياده
عايزين انتقام لهيب ونار يا ساده
عايزين حقهم وحقنا بلا مهاوده ولا هواده
بيتعدوا ويعتدو علينا وع اراضينا
وده جرح لكرامتنا واهانه لينا
بيستحلوا دم ولادنا اللي معلق ف رقبينا
وحق ولادنا دين علينا
مش هنسيبه ولو اخر يوم ف حياتنا
هنجيبه وهناخد حقنا بأيدينا
الظالم هنجيبه وهينداس تحت رجلينا
اطمنوا وارتاحوا انتو ف نومتكم
مع ان هيوحشنا غيابكم
بس هيفضل صوتكم
هتفضل محفوره ف القلب ابتسامتكم
جوايا موجوده يا حبايبي صورتكم
انتوا دلوقت ف جنه الله بيها يسعدكم
وده احسن تكريم و دي فعلا مكافأتكم
انتو اتزفيتوا ع الجنه م انتو شهدا عقبالنا
وسامحونا ان كنا قصرنا
وقريب جدا هنجيلكم
بس ياريت نعرف نقابلكم وننول درجتكم
وبحب أطمنكم
وحياتكم عندي وغلاوتكم
وحياه شبابكم
م هنسيب ابدا حقوقكم
ربنا يصبر اهاليكم والف رحمه ونور عليكم
