“وداعا للحب الصادق “

بقلم :نجاة شاكر
فاكرة كل الذكريات.
……حتى السوكات.
أول كلام بينا…….
فاكرة أول مكان جمعنا.
نظرة عينيك ليا بإشتياق.
برغم إنى كنت إمبارح معاك.
كنت بضحك لما تضحك.
أيوه ماشى ما قولتهاش.
بس كانت جوايا وما فهمتهاش.
كبريائي منعنى عن إنى أقولها.
مصدقتش إن في يوم هحب فيه.
كان فى نظرى الحب ضعف.
وإنى أقوى من كده..
بس حبى ليك قوانى أكتر من كده.
خوفك عليا واهتمامك…
وإنى بالنسبالك كيانك…
قولتلى إنى هابقى مامت عيالك.
ضحكة حياتك و ذكرياتك…
قولت هنعيش حياة ما عيشنهاش فى حياتنا تانى.
وبعدين استنى ثوانى……..
أنا هكلم عمى على الفرح ……
أنا عاوزه بدرى عن كده……
ضحكت و قولتلك لا ياعم اصبر عليه مش كده….
وفى ثانية……..معتش لقيتك تانى……
فاكرة آخر كلام بينا …….
قولتلك خلى بالك من حياتك ……
دى روحى فيها……………..
ضحكت وقولت خلاص يبقى دايما هاهتم بيها….
يوم ما قالوا إنك فى حادثة…….
ما صدقتش وقولت لسه…………
كل كلمة قولتهالى لسه فى خيالى…
ليه الوعود ما كملتش………………….
يلا قوم ما تسبينيش……….
أنا من غيرك مش هاعرف أعيش……….
رد عليا……………….قولى إنتى ليا……..
مش قولت إنى هبقالك مامت عيالك.
أنا لسه باقية……………………
دمعة عينيا من يوم فراقك……
مش عارفه تنشف…………….
أنا لسه بدعيلك وبدعى كمان إنى أجيلك.
انت عارف إن تم يومين على سنويتك.
بعد يومين أنا هابقى جنبك……….
حاسه بكده مش عارفه ليه……..
قولت أجى أقولك على اللى حاسة بيه
أوعى تخاف أنا مش هابقى لحد من بعدك
قبل ما أمشى عاوزة أقولك إنى بحبك
قولتهالك …….طلبت تسمعها كتير .
أيوه بحبك قولتها قبل ما أموت بعدها.
بعد يوميين…………………….
…………………………………
فى ناس ملمومة عندها……
بتقرى الفاتحة جنبها ……….
كلمة بحبك مكنتش كلمة وقتها.