متابعة ماجي المصري
( ولد فى القاهره فى 11 نوفمبر 1930 ) راقص و مصم رقصات و ممثل مصرى ابتدا حياته العمليه كهاوى للرقص الإيقاعى و بعدها احترف الرقص و تصميم الرقصات الشعبية و كون فى سنة 1959 فرقة رضا اللى كانت اول فرقة رقص فولكلورى فى تاريخ مصر و اتنقل بيها من المحلية للعالمية و بقت ليه شهره كبيره فى مصر و براها.إتعلم محمود رضا الرقص على ايد أخوه الكبير على رضا.
ولد محمود رضا فى القاهره سنة 1930 و بعد انتهاء المرحلة الثانوى
التحق بكلية التجارة فى جامعة القاهرة و اتخرج سنة 1955.
اتجاه محمود رضا لتكوين فرقة رقص شعبى فى مصر ججاء تقريباً بالصدفة.
فعندما كان فى بكالريوس التجارة راح المسرح يتفرج على عرض رقص فولكلورى كانت تقدمه فرقة من الأرجنتين فاعجب كثيرا بالعرض و بعد انتهاء العرض ذهب الي اعضاء الفرقه ورا الكواليس
ليسلم عليهم و يعبرلهم عن اعجابه برقصهم فلما عرفوا انه راقص وشاهدوا رقصه اعجبهم حدا فتم انضمامه للفرقه و رقص معهم فى القاهره و الإسكندرية و سافر معاهم روما و باريس.
وفى باريس كان يأخذ يومية تعادل اتنين جنيه مصرى كان يدفعهم لدروس الرقص فى مدرسة الباليه. لكن و هو فى باريس خطرت على باله فكرة تكوين فرقة رقص فولكلورى ا فى مصر تحافظ على تراث مصر الفولكلورى ، فترك الفرقه الارجنتينى و رجع على القاهره لتكوين الفرقة.
رجع محمود رضا مصر و اشتغل موظف حسابات و كان بيجهز نفسه للجواز من ” نجيده ” بنت الدكتور حسن فهمى الأستاذ فى كلية الهندسة و كانت اخت فريدة فهمى الكبيره. فى هذه الظروف اتنقل محمود رضا على السويس فإتعطل فى تكوين الفرقة
استمر على هذا الحال حتي تسلم رسالة من الأديب يحيى حقى بصفته رئيس مصلحة الفنون
طلب منه المشاركة فى دور البطولة الراقصة فى اوبريت ” ياليل ياعين ” الذي انتجته وزارة الثقافة
. الأوبريت كان يضم مشاهير و اسماء معروفه مثل الرقاصة نعيمة عاكف و المغنى كارم محمود و المغنية شهرزاد و مايسترو الاوركسترا كان عبد الحليم نويره و المخرج كان زكى طليمات فكانت فرصة كبيرة و الرقاصين كانو طلبة من معهد التمثيل
. كان مطلوب من محمود رضا انه يقوم بالبطولة الراقصة و يصمم رقصات الأوبريت التي كان منها رقصات من الصعيد و الإسكندرية و عن جنية البحر و عرايس المولد وغيرها ، فترك محمود رضا عمله كمحاسب و اتفرغ للأوبريت بمرتب 50 جنيه فى الشهر. استمر العرض أربع اشهر فى دار الاوبرا المصرية و نجح ، لكن الصحف هاجمت الاوبريت لانه كان راقص و اعتبروه عيب و شئ غريب على العقلية المصرية وقتها.
بعد مانتهي محمود رضا من اوبريت ياليل ياعين انشغل فى تكوين فرقته لكنه واجه مشاكل مع الدكتور حسن فهمى والد زوجة محمود رضا بسبب زواج ابنته فريدة فهمى انضمامها للفرقة فبقى فكانت الناس تعاتب حسن فهمى و يقولون له كيف تسمح لابنتك ان تعمل رقاصه و انت استاذ كبير فى الجامعة و ان الرقص كان عندهم حاجة عيب كاموا لا يستطيعوا التفرقة بين رقص العوالم فى الافراح و غيرها و فن الرقص الراقى فى المسارح المحترمة
، ظل محمود رضا يحاول انه يفهم حماه الفرق و ان ده رقص فولكلورى.
محمود رضا و اخوه على و فريدة فهمى خافو ان الفرقة تفشل ﻻنها شئ جديد على مصر استعان محمود رضا بمشاهير من الذين عمل معهم من قبل فحاء بكارم محمود و شهرزاد مغنيين الفرقة و حتى فى فيلم ” أجازة نص السنة ” ساندتهم الممثلة الكبيرة ماجدة و شاركت فى الفيلم الفيلم
نجحت فرقة رضا نجاح كبير و استوحى محمود رضا رقصاته من نواحى مصر مثل الوادى الجديد و الصعيد و الفلاحين و مدن السواحل المصرية فلعب دور كبير فى تاريخ مصر الثقافى بمحافظته على تراث مصر الموجود فى القرى و النجوع و الأقاليم. و قدمت الفرقة عروض فى بلاد كثيرة خارج مصر و واصبحت لها شهرة عالمية و لمحمود رضا اسم داخل مصر وخارجها كراقص من أحسن الراقصين و مصممين الرقصات فى العالم.
بعد خمس سنوات من زواج محمود رضا من نجيده بنت الدكتور حسن فهمى توفيت بمرض القلب و بعدها بحوالى سنتين و نص قابل محمود رضا رطا زوجته ” روزا ” اليوغسلافيه اللى كانت باليرينا متخرجه من اوبرا بلجراد ، و انجب منها بنت اسمها شيرين و ولد اسمه نور. وعملت شيرين بعد ماكبرت كراقصة محترفة في فرقة والدها .
الرقص عند محمود رضا ليس مجرد حركات و ايقاعات لكن ثقافة وتلخص تراث مصر و تاريخها و واقعها ، وبذل جهد ضخم كمصرى متنور بيفتخر بمصر و تاريخها حتي يحافظ و يعرض تراثها الشعبى على العالم و على المصريين انفسهم ، و سافر لمناطق كتيرة فى نواحى مصر حتي يتعلم و يفهم و ينقل.
تعلم محمود رضا التحطيب و الرقص بالعصا على ايد صعيدى من سوهاج قال. له فى البداية إن العصايا ليست للضرب لكن للمشاوره فقط لكن فى النهاية بعد مادربه ضربه بالشومه على راسه ضربه قوية داخ منها محمود رضا و سقط علي الارض ، وعندما عاتب السوهاجى على هذا العمل رد عليه : انت حاتبقى مشهور فالضربة دى بس عشان تفتكر مين اللى علمك.
قدم محمود رضا رقصات و استعراضات كتيرة من وحى البيئة المصرية الشعبية و ظهرت فى رقصاته طبل و مزامير الصعايدة و ظهرت الفلاحة المصرية و الصيادين و المراكبية و غيرهم و ليه رقصات عن بياع العرقسوس و المراكبى و النوبة و بدو الصحرا و غيرهم و كلها رقصات استوحاها من بيئتها الأصلية فى نواحى مصر.
محمود رضا شارك كمان فى افلام انتجتها السينما المصرية أشهرها كانو فيلمين راقصين هما ” اجازة نص السنه ” و ” غرام فى الكرنك ” ، و صمم رقصات لأفلام و مسلسلات تليفزيونية و مسرحيات منها: جنة الصحراء ” و ” الصعيدى الفهلوى ” و ” رنة خلخال “.
محمود رضا حتي اليوم ، بعد 50 سنة من تكوين فرقة رضا ،مازالت له شهرة عالمية و اسمه معروف فى كل مكان فى العالم كاستاذ كبير فى فن الرقص عند المهتمين بالرقص و بيسافر بلاد كتيرة فى اوروبا و افريقيا و اسيا و امريكا اللاتينية و غيرها لتدريب الرقاصين. فى سنة 2007 و 2008 عمل برنامج تعليمى لرقاصات من كل نواحى العالم فى مكتبة الإسكندرية تحت عنوان ” العالم يرقص مع محمود رضا ” و انضم للبرنامج حوالى 70 راقصة من نواحى العالم قدموا الرقصات اللى قدمتها فرقة رضا زمان فى 40 استعراض فكانت اول مرة تتقدم عروض لرقصات فرقة رضا يقدمها راقصين من غير المصريين.
