رسالة الى وزير التربية والتعليم من مواطن مهتم بالتعليم
نقلها ناصف ناصف
يا سيادة وزير التربية والتعليم؛
حضرتك أمرت بصرف التغذية المدرسية للطلبه
في المدارس عبارة عن
واحدباتيه+واحدبسكويت+واحدجبن مطبوخ مثلثات؛
وثمن الوجبة دي ١٥جنيه؛
تعالى نحسبها حضرتك بالبلدي؛
١٥جنيه في ٦ ايام في الاسبوع=٧٥جنيه في أربع أسابيع في الشهر=٣٠٠جنيه في ٦ شهور =١٨٠٠جنيه في السنة؛
يعني حضرتك كلفت الوزارة بتصرف على الطالب ١٨٠٠جنيه في السنه تغذيه مدرسيه فقط
طيب اذاي حضرتك في نفس الوقت رابط استلام الكتب المدرسية
بالمصروفات وهي ١٠٠جنيه لكل تيرم
يعني ٢٠٠جنيه في السنة كلها
(أولاً )أولياء الأمور مش منتظره من سيادتك
أنك تصرف على أولادها تغذية ولا سيادتك حريص على تغذية الطلبه اكتر من اهاليهم
(ثانيا) حضرتك منزلتش المدارس وشوفت الطلبة عندهم سوء تغذية أو يتضرعوا جوعا
(ثالثا) طالما الوزارة فيها
فلوس تصرف على الطالب تغذية ٩ أضعاف
المصاريف الدراسية؛
فياريت تلغي التغذية المدرسية وتعفي الطالب من المصروفات الدراسية؛
وبكده تكون وفرت للوزارة أعباء كثيره
ويكون التعليم في مصر فعلا مجانا؛
وممكن كمان تصرف مكافئه لكل طالب ناجح آخر العام الدراسي بواقع ٣٠٠جنيه تكلفة شهر واحد تغذية؛
وكمان تكون لاغيت السرقة والفساد إللي ممكن تحصل أثناء نقل وتوزيع التغذية؛
ولا احسب تكلفة التغذية وعين معلمين يسدو العجز
وكمان ممكن يتعرض الطالب لتناول تغذية فاسدة سوء تخزين
ويقع فيها مسؤولين كتير في سين وجيم
ويشهر بيك الإعلام؛
ارجوك تريس في قراراتك؛
انزل لأرض الواقع؛
شوف الدنيا من تحت
وسيبك من التغذية المدرسية
احنا محتاجين تعليم بجد؛
محتاجين غذاء العقل والروح..
مش محتاجين غذاء البدن هما بيك من غيرك هياكلو… محمدناصف احدالمهتمين بالتعليم
