يومية مواطنه مع التامين الصحي
التأمين الصحي عذاب في عذاب واطباء بلا مواعيد والكشف بالبركة
تحقيق محسن قريطم
في الحقيقة المواطن اصبح الان يشعر بالاحباط من التصريحات نسمع شئ ونري غيره تعالي علي سبيل المثال ملف الصحة الذي يحمل بين طياته العديد من التجاوزات والفساد الذي طال مقدرات الغلابة وسرقة اعضاء بخلاف الموظف الذي يري العذاب كله اذا نوي الذهاب الي التأمين الصحي علي اي حال وصلتني رساله وللامانة سوف اطرحها كما هي وهذا نصها
عاوزه اشاركم حاجه من اسوء الحاجات اللي حصلتلي وفي نفس الوقت يمكن صوتي يوصل لحد يسمعني تعبت جدا بدور برد شديد وقولت حاخد اجازة وارتاح واخد علاجي اللي بالفعل انا جبته قررت اروح التامين اللي عمري ما استخدمت بطاقته من وقت ما عملتها وحالتي فعلا مع الظروف اللي احنا فيها لازم اجازة وطبعا مفيش اي اجازات مرضي بتعتمد سوا من التامين روحت وياريت ماروحت نسيبنا من الزحام خلينا ندخل علي طول علي طبيبه الباطنه طبيبه منتقبه قاعده علي مكتب ومعاها مساعد بينده علي المفروض انهم مرضي قعده في حجره 6×6 تخيالوا مفيهاش سرير كشف ولا سماعه ولا شايفه جهاز ضغط كل اللي ادمها بطاقات الناس اللي مرمين بره سالتني مالك يدوب بنطق وبقول سخنت تقولي اشعه وتحليل بكرة وتاخدي دور للاشعه ماشاء الله كمان بكرة ودور علي معملها يكون المريض خف ولا مات لا اله الا الله طيب حتي اكشفي قيسي حرارتي اكتبيلي علاج لغايه معملهم ومتحركتش طبعا من علي المكتب وتتحرك ليه هي حتكشف عليه لسمح الله طيب فين أ _ب علاج طيب اسعافات اوليه طب كشف ..مفيش انده علي اللي بعده ياعم ….خرجت وحلفت منا معتباها تاني انا بالنسبالي مرضتش بالامر الواقع فيه ناس بترضي لان مفيش حاجه في ايديهم غير الرضي غصب ..ياترا مسؤل الصحه عارف وبيشوف فجاءة اللي بيحصل في عيادات التامين ؟؟؟؟ فين حقي كمواطن عمري كله في مجال عملي بيتاخد مني تامينات صحه وضرايب وخلافه استفادت انا ايه من الصحه اللي اصلا مفيهاش ريحه الصحه ديه واحده قعده علي مكتب متحركتش من مكانها عيادات ايه ديه وطبيبه ايه ديه اللي من غير كشف .ويقولك صحه وتطوير فين ياجماعه اللي بيتاخد مني ومنك للصحه والعلاج فين ضميرك وانت بتاخد رتبك اخر كل شهر راضيين وحاسيين انه حلال وعملتوه بيه ورضيتوا ربنا وضمايركم وربي .انا مش مسامحه في اي مليم بيتخصم من مرتبي علشان حاجه معرفتش استفاد بيها ومش مسامحه دكتوره الباطنه اللي قبلتها في تامين الالف مسكن وانا خصيم كل حد مدنيش حقي يوم الدين ..فوضت امري لله ولله الامر من قبل ومن بعد ). ..التأمين الصحي ياساده يحتاج الي نظره واعادة هيكلته حتي يتناسب مع المواطن الذي كفل الدستور له العلاج والتعليم ولكن يد الفساد طالت تلك المؤسسات التي تنهش في جسد الامة وتجعلنا نعود للوراء ..فعلي نوابنا في مجلس النواب ان يحكموا ضمائرهم ويكونوا بالفعل ممثلين للشعب بعيدا عن التصاوير والكلام الخادع ولا يتلقوا نفس العلاج والسؤال الطبيب اللي بدون سماعه مثل التلميذ الذي يدخل الامتحان بدون قلم ..الخلاصة المريض للاسف الشديد بيدفع فاتورة الاهمال وضحية منظومة كاملة من فساد من اساتذة فساد علي اي حال الفساد بكل اشكالة وصوره واوكاره بالمؤسسات سوف نحاصرة ونقضي عليه
