بقلمي…. سحر ابوالعلا
عايش وسطيكم من زمان
لا عمري حلمت بقصور
و لا اتمنيت فى يوم مرجان
طول عمري عايشها بالتيلة
و اليوم بيعدي عليا سنين
اوقات بضحك علي حالي
و اوقات من حالي ببقي حزين
اللقمة بغمسها بعرقي
و الهم فرشتي و غطايا
كان راس مالي فى الدنيا دي ايدي
شغال و اهو كان حالي بيمشي
و يوم ما الصحة سابتني
و الرعشة زادت فى وريدي
ملقتش حد بيسندني
الهم زاد و الحمل بقي تقل الجبال
لا طلبت من حد يعني
و لا عاوز من الدنيا المحال
انا عاوز بس الباقي من عمري
اعيش انسان.