…..(أيوب زماني)….
الشاعر الفنان رزق جادو……
مصر ..دمياط
( أيوب زماني )
أيوب زماني ياني
ياناس انا الدحدوح
شايل هموم يازماني
صابر على المكتوب
أيوب زماني ياناس
عايش لكن موجوع
لمين هقول موالي
هقول لمين موالي
وانا ياناس في وادي
والناس في وادى تاني
أيوب زماني ياناس
ياناس انا الدحدوح
راحوا اللي كانوا الروح
وسابوني أعيش مجروح
بصوت حزين مبحوح
اتنهد كما المذبوح
اشم ريحة الدم
على الرمال مسفوح
عايش حزين مجروح
ائن وحدي ونوح
عايش وكلي شروخ
الحزن غير مسموح
على أرض كله شموخ
غزة فداها الروح
وكل آل دحدوح
أيوب زماني ياناس
ياناس انا الدحدوح
كلمات الشاعر الفنان رزق جادو
مصر .. دمياط
