بقلم/رنا العربي
اسند عليا واطمن مش هتميل
ولا في يوم هسيب إيدك يا أجمل
حلم أنا حلمته ،وأكيد هيجي يوم
ويبقى حقيقة يا أجمل من فنجان
قهوة في جو هادي مع صوت فيروز
اسند على اللي قلبها ليك عاشق
ولا في يوم تسمح للي كارهينك
من جنبك يا سيد الكل يفوتوا اسند
يا نجم عالي فوق صعب لأي مخلوق
يطوله نزلت وسكنت قلبي العاشق
ليك بدون أي خوف حبيتك وبقيت
احس بهوا طيفك من قبل ما يهل
يدق القلب يعلن عن وصول جنابك
يا دعوة في ساجدة بدموع نازلة
يا بهجة في حياة كئيبه وحزينه
اسند لحظة ضعفك على ايديا
حبيتك بقلب الأم وكنت ليا طفل في
العشرينات من عمره لطفلة كفوفها
لو في يوم تسيب إيدك تضل الطريق
وتوه، اسند عليا وقوم من تاني
يوم حزنك بيعني عذابي وأحس
بوجعك أضعاف وجعك ما انا
حبيت بقلب أم والأم يا ملاكي
تموت ولا تحس بوجع طفلها
اسند من غير خوف ولا تفكر في
شئ رب الكون هيهون وهتفرح
من تاني وهبقى جنبك زي ضلك
همشي خطوة خطوة في ضهرك
اسند عليا واطمن مش هتميل
