الكاتب / أشرف فتحي عبد العزيز
حكايات بنعيش فيها وبنكون جواها بكل احساس جوه القلب والروح، حكاية بتترسم على شكل قلب علشان هو ده اضعف حاجة فينا قلبنا..!
ومع كل لقطة فى الحكاية لــ تنزل دمعة لــ تطلع صرخة من جوانا لـــ تترسم ابتسامة ونستنى نهاية الحكاية ومصير البطل..!
ومن بين كل حكاية وحكاية بنحس اننا بنتولد او بنموت الف مرة ومرة صعب اوى تحس ان الناس عايز منك شئ محدد بس لنفسها بعيد عن اللى جواك واللى فيك من غير ما تحسك او تفهمك…!
بشوف الحب فى الحكايات بكل شكل وشكل، حد عايزك علشان شكلك او كلامك، وحد عايز منك طيبتك وحنيتك واحساسك، وحد عايزك بس مجرد مستمع من غير ما تسمع منه حاجة…!
عايز تحب حب بجد قبل ما تتدور على اللى محتاجه من حد شوف القلب اللى اخترته فيه ايه من وجع الايام، فيه ايه من الالم والجرح، كون دواء قبل ما تكون جراح ووجع …!
الحب مش كلمة ولا مجرد معنى فى الحكايات، الحب ملوش حدود ولا شكل ولا طريقة، الحب بالفطرة باللى جواك باحساسك فى لحظة شوق وحنين، الحب الم لما تحس انك زعلت الشخص اللى بتحبه…!
الحب مش انانية وإمتلاك علشان أصعب إحساس على القلب انك تشحت من حد الاهتمام والاحساس ويمكن الحب، ساعات الخوف من الوجع بيخليك متعترفش بحبك لشخص بتحبه وتفضل مخبيه جواك …!
لو نقدر نكتب حكايتنا ونختار ابطالها ونشيل منها الحزن والالم والحقد والكراهية، ساعتها هنعرف نهاية كل حكاية وتكون فى الحياة حكاية واحدة كلها فرح، وقتها مش هنحتاج نمثل قدام الناس علشان الصورة تتطلع حلوة ..!!
ويفضل اللى فى القلب بركان الم، خرج الحب بكل ما فيك وكل اللى تقدر عليه، واسعد القلوب المجروحة وكفاية غدر الزمن بيها..!!
حب بحب واختار اللي يصون قلبك ويملاء حكايتك فرح ..!
فـــ النهاية …خلصت الحكاية..!!
تعليق