احب اعرفكمبنفسي انا “محمد أيمن ابو الدهب” عندي “33” سنه ابويا وامي توفاهم الله عايش لوحدي اعزب بشتغل ضابط أنهاره وانا ف الشغل كنت قربت اخلص ورديتي واروح جالنا تلفون بلاغ ب حادثة علي طريق 99 بالمناسبة الطريق دا انا بعدي منو كل يوم وانا رايح الشغل المهم رحنا لمكان الحادث ولقيت ابشع منظر ممكن يشوفوا حد بحكم اني ضابط ف بشوف حوادث أشكال وألوان بس الحادثة دي غريبة المنظر كالآتي عربيه واضح انها انقلبت كذا مره مش مره واحده كان في راجل دماغه طالعه برا العربية وللأسف الراس منفصلة عن الجسم والدم مغرق الدنيا طلبنا الاسعاف وكلمنا اهلة بحكم انو كانت البطاقة الشخصية والرخصة موجودين وخلص اليوم وروحت البيت ومسافة ما نمت.
فتحت عيني لقيت الاوضه غرقانه ف الضلمه حطيط ايدي علي الكومودين عشان امسك الابجوره وافتح النور مبيفتحش جربت مره واتنين وتلاته مفيش..مسكت الفون بتاعي عشان أنور ونور بي 3 ثواني بالظبط ولقيتو اترزع من ايدي في الارض شوفت منظر بشع مسخ شيطان متعلق في الحيطه وساند ب ايده ورجله علي السقف وبيتحرك من نحيتي عينة تايهه في سواد ظلمة منظر مقرف قعد يقرب مني ونا عامل زي المشلول لا عارف اتحرك ولا حتى انطق قرب مني ونزل على الارض وقف جمب السرير وشو اجي ف وشي قمت صرخت..
مسافة مصرخت لقيت الكائن دا دخل في بؤي وحاسس بيه وهو بيعدي من زوري وداخل ف بطني بيقطع كل امعائي فتحت عيني فجأه لقيتني كنت نايم مش عارف دا حلم ولا حقيقه الله أعلم بقوم من على السرير لقيت تلفوني مرمي في الارض مكسر مفهوش حته سليمه بصيت ع نفسي ف المرايا وبفتح بري أكن مثلا الشيطان دا هيطلع من بؤي محططش في دماغي ونزلت الشغل قابلت زميلي احمد قالي عملت اي ف حادثه امبارح عرفت مين الي عمل كدا فقولتلو دي حادثه عاديه يعم قالي عاديه اي الحادثه دي بقالها 6 اسابيع كل يوم خميس ف نفس الوقت من 10 ونص ل 11بتتكرر ولقيتو اداني ورق بيقول كدا فعلا اول واحده حصلها الحادثه كانت اسمها يارا محمود المنصوري قررت اني هروح هناك يوم الخميس في الوقت كدا ونشوف بقا هعمل حادثه ولا اي بحكم اني فضولي اوي وخلص اليوم ومشيت من نفس الطريق وروحت عادي ومرت الايام بشكل طبيعي لغايه يوم الخميس..
قررت استأذن من الشغل ع الساعة 10 كدا بحجه اني تعبت ومشيت وروحت علي المكان لقيت واحده ف مكان الحادث بالضبط لقيتها ملكه جمال شكلها قمر لابسه حاجه شبه عبايه بيضه وشعرها طويل ولفه حاجه ع دماغها لونها اسود وبترقص الرقص الي بيرقصوهه ف الظار والحجات دي وبتغني يا ورده المعي انا جيتلك يا ورده وجبتهولك معايا نفس الاغنيه دي عماله تتكرر تتكرر خطفتني بجمالها وسحرها دا بصراحه وكنت ماشي بسرعه منخفضه اوي عشان معملش حادثه المهم لقيت واحده بتعدي الطريق وبتشاورلي عشان أقف استغربت دي اي دي واي الي منزلها ف الوقت المتأخر دا واول لما شوفتها ملقتش البنت الي كانت بترقص وقفت بالعربيه ونزلت عشان اشوف مين دي اول لما نزلت من العربيه لقيتها واقعه في الارض وبتقولي مش تاخد بالك قولتلها علي فكره انا ملمستكيش قالتلي كنت ماشي بسرعه عاليه جدا قولتلها انا ممشتش بسرعه عاليه انتي مين اصلا قامت واقفه وقالتلي انا ماشيه ولقيتها وهيا ماشيه بتعرج قولتلها طب تحبي اوديكي المستشفي كانت بتتالم وقالتلي مفيش داعي قولتلها طب اوصلك البيت قامت مشيت وسألتني وقالتلي انا محترمه يا استاذ قولتلها عموما انا ظابط وهوا في واحده محترمه تمشي ف الطريق دا في الوقت دا مشت وسابتني فضلت ادور علي الي كانت بترقص ملهاش اثر قمت ماشي انا كمان بالعربيه ومحصلش حاجه لي الساعة كانت 11 ونص ف روحت البيت وقررت اني هروح يوم الخميس الجاي عدت الايام و اجي يوم الخميس روحت المكان وشوفت نفس البنت.
