( المسحراتي )
كلمات/صبري حسين
( 28 )
مسحراتي
انا المسحراتي
معاكم ليلاتي
ابدا كلامي
بالحمد والثناء علي ربي
والصلاة والسلام على حبيبي
بدر التمام
مسك الختام
سيدنا محمد عليه الصلاه والسلام
كلامنا اليوم
يا احبابي
عن موضوع
مابعد الطلاق
تم الطلاق
لاي سبب من الأسباب
ليه تتحول علاقة الحب
الي علاقة كلها كره وسباب
ايه اللي يمنع تفضل علاقة
كلها حب وود
علشان خاطر الاولاد
سبحانه احل الطلاق
علشان يكون طوق النجاة
بعد استحالت العشرة
بس مش معني الطلاق
ننسي المودة و الرحمة
ده احنا تحت سقف واحد عشنا
مع بعض ياما قسمنا اللقمة
عايزين نفتكر ايامنا الحلوة
نتمني لبعض الخير
اللي بينا عمره ما ينتهي بالطلاق
اللي بينا. اولاد
ازاي بس اولادنا يبقوا هم السلاح اللي نحارب بعضنا به
نرفع قضايا من أجل الحضانة
نعذب ونذل بعض في مواعيد الرؤية
ننقم من بعض لكن للأسف احنا بنتقم منهم
كل انتقامنا ثمنه يدفعوا اولادنا
اولادنا اللي هم اغلي من حياتنا
الشيطان اتحكم فينا
خلانا مش شايفين قصادنا
بنستعمل اولادنا سلاح نرفعه في وش بعض
يا جماعة راحت فين عقولنا
كل تفكيرنا في الانتقام
عمرنا ما فكرنا في نفسية اولادنا
كل يوم خناق وقضايا
الام تتهم الاب
الاب يتهم الام
كأنهم عمر ما كان بينهم حب
يا جماعة الخير
ده انتوا انكشفتوا علي بعض
اختشوا. شوية
صونوا العرض
الطلاق حصل لاي سبب من الأسباب
مش لازم يكون الطلاق بداية للخراب
ارحموا نفسكم
افتكروا. أنه كان في ود بينكم
لازم تنشغلوا بمصلحة اولادكم
فكروا بعقولكم
افتحوا قلوبكم
لازم يكون لسان حالكم
لازم نتعاون مع بعض لرعاية اولادنا
نبعد عنهم اي حاجة تزعلهم
بلاش كل واحد فينا يوصف تأتي بأبشع الاوصاف
انت امه وهو أبوه
ليه تشوه صورتكم في عنيه
هو مش مسؤول عن اللي حصل بينك وبين أبوه
ارجوكم دايما علي بعض قوله
الكلمة الحلوة
في كل قاعدة تجمعكم مع اولادكم
أظهروا الاحترام بينكم
فهموهم إن الطلاق ده ربنا اباحه
علشان من جديد كل واحد يبدأ حياته
لكن انتم يا اولادنا. حتة منا
لغايت اخر يوم في عمرنا
كل اللي يهمنا مصلحتكم يا اولادنا
يا كل الآباء والأمهات
تعالوا ننسي اللي فات
من النهاردة
نفتح صفحة جديدة
عنوانها مصلحة اولادنا
اولادنا نور حياتنا
علشانهم ننهي أي صراع بنا
مستقبل اولادنا
هو اللي يشغلنا
دايما نفتكر الرحمة والمودة اللي كانت بنا
مش عايزين ننسي الفضل بنا
الطلاق عمره ماكان عدواة
الزواج ده قسمة ونصيب
يا كل الاحباب
افتحوا للحب كل الابواب
بالحب نربي الاولاد
اخر. الكلام
الطلاق مش معناه نهاية الاحترام
اذكروا بعض دايما بالخير
حافظوا علي الود بينكم
تكبروا في عيون أولادكم
يا مسلمين يا موحدين
كل عام وانتم طيبين
رمضان كريم
صبري حسين
