( المسحراتي)
كلمات/صبري حسين
(9)
مسحراتي
انا المسحراتي
معاكم يومياتي
في نفس ميعادي
اسمعكم وتسمعوتي
انتم اغلي ما عندي
اصحابي وحبايبي
من حبي فيكم
بوجه كلامي لكم
يا اصحابي يا احبابي
كلامي اليوم موجه
الي أخواتي الحميلات
طبعا اسعد يوم
يومي ما تفرحي بااولادك
لما توصلي بنتك لبيت عريسها
وقتها تكون الدنيا مش سيعاكي
يا سلام كمان لما تفرحي بابنك
ضناك فلذة كبدك
وقتها الفرحة تغمر كل حياتك
ربنا يسعدك ويفرح قلبك
بس لي عتاب يا اختي
ليه مش بتعاملي زوجة ابنك
زي ما تطلبي يتعاملوا مع بنتك
ليه عايزة زوج بنتك
دايما شايلها علي الرأس
هي زوجة ابنك مش بنت ناس
ليه بتعامليها بقسوة
بتتاعملي معاها كأنها شغالة
ليه بتعدي. عليها اللقمة
مستخسرة فيها كلمة حلوة
يا اختي يا حبيبتي
اتعاملي مع زوجة ابنك
زي ما بتطلبي. يعامله بنتك
ليه بتخلي ابنك
مسخ قصاد زوجته
كل حاجة لازم إذن منك
مدخلة نفسك في كل حاجة
حتي في تفاصيل العلاقة
ليه دايما متحكمة
علي كل حاجة مسيطرة
حرام عليك يا اختي
اعطي مساحة لزوجة ابنك
بلاش ضغط طول الوقت
لكل إنسان طاقة
أيوة هي علي أفعالك صابرة
لكن هي مش راضية
هي علشان بنت عندها تربية
لكل الأصول مراعية
بتفوت مرة ورا مرة
اهلها معلمينها تصبر علي المرة قبل الحلوة
امها مواصهيا
ام زوجك هي امك الثانية
اوعي تنادي عليها يا حماتي
دايما نادي عليها يا ماما
امها دايما تكرر عليها
يا بنتي عاملي حماتك زي ما بتعامليني
راعي خوفها وحبها لابنها
يا اختي العزيزة
انا متأكد انك موصية بنتك نفس الوصايا
عايزة بنتك تظهر في أحسن صورة
عايزها في بيت جوزها دايما رأسها مرفوعة
طيب ليه بتتعاملي بوجهين
بنتك وزوجها. نن العين
دايما بتفرحي لما جوز بنتك
يدلعها وينفذ كل طلباتها
ولما ابنك يحب يخفف علي مراته
تزعلي وتهدي الدنيا فوق رأسه
تسودي أيامه
حرام عليكي يا اختي
زوجة ابنك إنسانة
كانت في بيت ابوها أميرة
الكل يدلع فيها
الغالي كله كان ليها
مفروض انت اللي توصي ابنك عليها
يا ابني زوجتك دي أمانة
ربنا هيسألنا عليها
عاملها بكل حنية
اياك في يوم تحسسها بغربة
خليك دايما رحيم بها
يا اختي يا حبيتي
ارجعي بسرعة لعقك
افتحي لزوجة ابنك قلبك
خليكي فعلا ام لها
خليها تحس بالأمان
عامليها بكل حنان
هتلاقي منها كل حب واحترام
هو ده الكلام
ومسك الختام
كلام الرحمن
هل جزاء الاحسان الا الاحسان
يا مسلمين يا موحدين
كل سنة وانتم طيبين
رمضان كريم
صبري حسين
