برتاح لصوتى
قصيدة للشاعرة الراقية علاالهلباوى
قال بيرتاح لصوتي
بيقولي منوم رباني
ألو … منك مجنناني
أسمعها أقولها من تاني
إنت يالي ساكنه خيالي
رايحه جايه مش عتقاني
أسمعك بخضوع أنام تاني
ألاقي روحك ف المنام جيالي
صورتك جوايا تملي خيلاني
بتقولي قوم مفيش نوم تاني
إنزل بحر الغرام وعوووم ….
دا الهوى عليك مصير محتوم
مد وجذب وقت اللزوم …….
أدف توصل ل مجرى العيون
تشرب ب كيفك وتملى المعون
تشبع و تشكر رب الكون ……..
تضحك ضحك هيستيري كالمجنون
عشان توصل ل العلا تسن السنون ..
وتعلي سقف الطموح وتملى العيون
وتدور الدفاتر وتسدد كل الديون …
وهاحذرك معايا حسك تخون ……
مانا هاعلمك أصل اللغات والفنون
ومن كتر الغرام تتوضى وإنت ممنون
وتصلي وتدعي المولى ل الهوى يصون
مانا العاشق وإنت لعيوني مفتووون
ب تسكر معايا بدون …. آفيون