تفاصيل حوار بطلة مسلسل حكيم باشا مع الإعلامية متى الشاذلي
علياء مصطفي
استضافت الإعلامية منى الشاذلي النجمة سهر الصايغ عبر برنامجها “معكم منى الشاذلي” عبر قناة اون وهو برنامج حواري اجتماعي تستضيف من خلاله المشاهير وأصحاب الأفكار البراقه “الترند”
أطلت النجمه سهر الصايغ على جمهورها ببساطتها المعتاده بعد نجاحها اللافت بمسلسل حكيم باشا الذي شاركت فيه بدور بطوله مع نجم العمل مصطفي شعبان من خلال أدائها لشخصية “برنسه “.
جدير بالذكر أن الفنانه سهر الصايغ دكتورة أسنان تمارس المهنه بجانب عملها بالفن حتى الآن.
جاء حوارها مع الاعلامية منى الشاذلى كالآتي:
الدكتورة سهر الصايغ كلنا عارفين إنك دكتورة أسنان و شغالة لحد النهاردة..
يعنى لحد الحلقة دى كنا مظبطين وقت الحلقة على مواعيد شغلك فى المستشفى صح؟
عشان بحبها و مكملة فيها الواحد عشان يكمل فى حاجة و ينجح فيها لازم يحبها حتى لو 3 أو 4 حاجات مع بعض.
كان ممكن فى أى وقت تقولى كفاية التمثيل عشان مش عارفه توفقى بينهم؟
بالظبط و كان هيبقى الإختيار الأسهل بالنسبة لى لكن عشان بحب التمثيل و طب الأسنان ده اللى مصبرني إنى أجمع بينهم.
طب إيه مخليكى تكلمى فى طب الأسنان غير الحب؟
إني تعبت فى دراسته لاني كنت بدرس فى وقت بيقولوا عليه فى مجال التمثيل وقت الإنتشار اللى هو أشتغل كتير عشان أتعرف والناس تشوفني كتير و غير كده الكلية مش سهله فا لما بتتعبي فى حاجة مش سهل عليكى إنك تسيبها و بعدين المهنة دى أنا بحبها أوى.. إنتى عارفة إن بعض الكتب كاتبة عنها إن هى علم الفن.. لإنك بتخلى شكل ضحكة الناس أجمل فده فن و رد فعل اللى قدامى يبسطني
و حاجة كمان إنها بتخلينى كده متوازنة عشان يقابل ناس عادية كتييييير و أبقى واحدة منهم و بسيطة وبتخلينى دايما أقول لنفسى خليكى ع الأرض مش لازم أتعـ.ـالى خليكى بسيطة-
هل بتبقى مختلفة فى العيادة؟
طبعا ما يغـركييش الفستان ده إنتى ما شوفتنيش البالطو.
طب ليه مش عاملة تجميل أسنان؟ أصل فيه ناس خلاص بقى كل همها تعمل الصف الموحد اللى شبه السيراميك ده مش بيعملوه عشان محتاجينه
طب أتكلم عن نفسى أنا، الموضوع ده بيتعمل عشان أصلح بيه شكل معين فا لو إنت مش عندك حاجة مش لازم تعمله مفيش أحلى من الشكل الطبيعى فا أنا مقـتنعه بشكلى الحمد لله وعاجبنى و عشان كمان التمثيل لو خليت أسنانى كلها لون واحد مش هعرف اعمل أدوار واحدة شعبية مثلا..
أصل كنت هعمل مثلا دور مليكة إزاى؟ عـفرىِته عاملة هوليوود سمايل وحاجة كمان.. اللى ربنا إداله حاجة طبيعية و صحية يروح يشيلها و يخلى مكانها اسنان صناعى و بلاستيك
بصى الناس اللى بتعمل ليها كل إحترام و تقدير.. اللى إنت حابه نفسك فيه اعمليه ده اللى يريحك إنت لكن أنا بردو لازم لازم لازم أنصحه لإنى ببقى ريحت ضميري عشان نيتى هتحـا سـ. ـب عليها
