كلمات /صبري حسين
حبيتي بتقول لي
بطل تسمعني
علي أد كلامك ما بيسعدني
ويفرح قلبي
لكن خايفة
ليبان علي وشي
في رسايلك
عبر عن نفسك
ارسم صورة بريشتك
بحروفك انسج ثوب فرحك
خلي سرك بينك وبين نفسك
انا حساك
مش محتاجة تقول لي ولا اقولك
انا لما بشوف رسالتك
من حبر قلمك
بشم زهور قلبك
عارفة انك بكتب لي بدمك
الورق بيرتوي من دموعك
بحس بضيقة صدرك
لما تبص تلاقيني مش جنبك
لكن رغم بعدك
بشوف لمعة عيونك
بعيش معاك فرحك
اكتب بقلمك
عبر عن نفسك
احكي قصة عشقك
حبيبتي انا محتاج
عمر علي عمري
علشان اكتب سطر
من قصة عشقي
لما اقولك بحبك
ده نبض قلبي
بكتبها بدمي
اقول ايه واعيد ايه
ما انت عارفة اكتر مني
بحبك وحبك بيجري في دمي
بحبك وحبك نور بصري
بحبك يا فرحة عمري
بحبك وحبك قدري
صبري حسين