(حب ساكن في القلب)
بقلم/رنا العربي
أحساس جميل تكبر ويكبر وياك حُب ساكن قلبك دون أسباب، في لحظة يتغير من حواليك كل شئ الحزن اللي مستوطن أيامك يتحول لبهجة، والحجرة اللي غايب نورها بقاله سنين والشباك اللي من لحظة الخذلان من الجميع مقفول هتضئ بنور قلب حبك بصدق وأخلاص، قلبك كان خايف من أنه يحب من تاني أو يعرف صحاب تانية لتكون صُحبة زايفة أهو نبضه رجع من تاني بقى أقوى من أي جرح أو خذلان بقى شايف الدنيا وردي بوعد من شخص صافي ووجود صُحبة لو في يوم الطريق كان صعب يكونوا أيد وحده ميعضوش في بعض الغدر مش من طبعهم ولا الخيانة في قلب حبيب وعد أنه هيبقى لٱخر الطريق كل اللي قال هتفضلي مكسورة أنا قويت وبقيت أقوى بفضل الله، كل اللي جاي جبر لخواطر كل من كسرتهم الأيام, اليقين بالله جايب معاه فرحة الأيام.
