سمر_إسماعيل
خد أيدى طيب بيها مكان جرحك
راضى أبواب السما المقفولة تفتحلك
نور قلبى الباكى الحزين
اللى أطفى بغيبتك
خلينى تانى من قلبى أضحكلك
تعالى جنبى هون عذاب حيرتك
فراق أمك ، حبيبتك وبنت قلبك
كلهم فيا وأنا عارفة
حلمى وصبرى أغربلك
ياللى بتسألنى أنا قلبى سلا عنكِ
خاصمت نفسى وعمرى وصالحتك
سمعاك بقلبى بتقولى _ أنا جايلكِ
أنا بين إيديك زىّ ما بتحلم
أنا عاشقة فيك عشقك الأبكم
غمض عينيك وشوفنى ف أحلامك
زىّ ما كنت بغمض عيونى قدامك
وأحلم بيوم تتوجنى فيه بأسمك
أحلم بيوم تروينى من حضنك
تعالى شوف تراب خطاك حنة
تعالى خد بإيديا للجنة
أمحى خطايا وأطلب الغفران
وأتمنى فيا ربنا يسامحك
