بقلمي/عطيه عفيفي
خليك مكاني
لوكان لك حبيب وقالك من النهارده سلام
وهانت عليه العشره وغدر بالقلب كمان
وباع المحبه كلها واشتري الأرقام
لإنه صاحب مال والحب في النسيان
تقوله لسه حبيب يقولك معاك كام
ماهو الخسيس خسيس لو حتي جيبه مليان
عشت الحكايه وبقيت في الحياه ندمان
وعرفت معني الغدر والقسوه مع الحرمان
وقولت أعيش وتاجر لاجل ماكون كسبان
وبفضل ربي في يوم أصبحت م الأعيان
وتاجرت مع الله وفتحت بابي للغلبان
كرم علي بزوجه هبه من العدنان
عشت الحياه في سعاده والماضي للنسيان
واللي يعيش مع الشيطان لازم يكون خسران
وراجعه تقولي بحبك وتكلم الجيران
وتلف وتدور زي الحيه والتعبان
تقولي لسه بحبك قلتلها كان زمان
بيع اللي باعك ياقلبي وبأرخص الأتمان
واشتري الأصيل ولو كلفك مليون فدان