(دبلة وطفل منك وبيت)
بقلمي/رنا العربي 
سكنت روحي وقلبي وعنيا أصبحت كل شيء ليا، النجم اللى بيضئ يا حبيبي لياليا وشمس يومي وضي عيوني ،جنتي في الأرض رزقني ربنا حُبك قالوا النصيب ده شئ مكتوب وكنت أنت أجمل نصيب اتكتب ليا، قدري الحلو في الدنيا، حبيب روحي ومعشوق قلبي وأيامي كُنت استجابة لدعوة ثابتة في القيام وأخيراً ربنا استجاب ليا ،كُنت ومازلت الحضن اللى بهرب ليه حتى منك ، قلبك دافئ وكله حب وخوف عليا ،النظرة في عيونك والله يا حبيبي تسوى عندى الدنيا ،في غيابك قلبي بيعلن عن حزنه، وبقربك بأصبح طفلة في العشرين ،دايبه في جناب معاليك ،الحب أي غير اننا نكون مع بعض ،بدعي دائماً في سجودي أنك تكون ليا بألف خير ويجمعنا يا حبيبي على خير ويكون ٱخر الطريق دبلة في الشمال وطفل يشبهلك وبيت وكل خطوه أكون معاك وابقى فخورة دايما أن من أعظم راجل أتحبيت
