كتبت: شوزان توفيق
المقادير
دجاج وزن كيلو ونص مقطعه ٨قطع
كوب زبادى
٤فصوص توم مفرومين
بهارات
ملح
فلفل اسود
ثوم بودر
بصل بودر
بابريكا
بهارات فراخ
جنزبيل بودر
كزبره وشطه
ليمونه وخل
معلقتين كبار صلصة
معلقتين كبار زيت
الطريقة
نغسل الفرخه كويس اوي بالملح والخل والليمون ونقطعها ٨قطع ونصفيها تماما من الماء نبتدي نحضر التتبيلة وهي عبارة الزبادي والزيت والتوم المفروم والبهارات معلقه من كل بهار من الفلفل الاسود وتوم بودر وبصل بودر وبهارات فراخ والجنزبيل والكزبرة والشطه وبزود ف البابريكا بخليها معلقتين وبضيف الملح قبل التسويه ع طول لأن الملح لو اتحط ع الفراخ لمده كبيره هيخليها تبقي ناشفه تمام والصلصه وعصير ليمونه ومعلقتين خل ونقلب كل ده مع بعضه وابتدي اضيف قطع الفراخ ف التتبيله اللي جهزناها ويفضل لو نسبها ليله كامله ف التلاجه لكن لو مستعجله مش اقل من تلات ساعات وأحضر الشوايه وابتدي ارص قطع الفراخ واقفل عليها الشوايه وأحضرصينيه مغطاه بورق فويل وأحط الشوايه عليها وف الفرن وادخلها ف الفرن ع درجه حراره ٢٥٠ بتاخد ساعه الا ربع اخر ٥دقايق شغلي الشوايه وبتطلع بالشكل الجميل ده حقيقي لذيذه جدا أن شاء الله تعجبكم وتتقدم بالهنا