كلمات / محمد السيد سالم
دراكولا مش لاقى الدم
امبارح وانا ماشى باليل
دراكولا كان ماشى حزين
ماشى بيردد فى كلمتين
فين الدم فين الدم
دراكولا مش لاقى الدم
ليه الاخ يعادى اخوه
واللى مبنهم ليه نسيوه
علشان ورث ياناس ورثوه
كل عيشتهم صارت هم
دراكولا مش لاقى الدم
وادى أخ كمان يابجاحته
كل الدنيا جايبه فى سيرته
واكل حتى حقوق من اخته
شاف الويل وعايش غم
دراكولا مش لاقى الدم
شاف شباب فى عز شبابهم
بس شيطانهم ليه ملازمهم
ومخليهم ينسوا عقولهم
برشام وحشيش ومعاهم شم
دراكولا مش لاقى الدم
ابن بيحجر كدا على ابوه
ولما الناس عرفوا نصحوه
ولا همه حتى اللى قالوه
راح حططله فى اكله السم
دراكولا مش لاقى الدم
ابن بيشتم ليه والديه
لاء ويقولك عملولى ايه
كل الدنيا بتدعى عليه
وامه تحن بقلب الام
دراكولا مش لاقى الدم
طفله بريئه ليه اغتصبوها
لاء وكمان بعدها قتلوها
مش كفايه انهم دبحوها
بسكينه بارده من غير دم
دراكولا مش لاقى الدم
وادى بنات باعت نفسيها
مش لاقيه حد يئويها
ويقولك طب فين اهاليها
لو فى اهل كانت تتلم
دراكولا مش لاقى الدم