بقلم/محمد بركات
خدنى معاك وانت ماشى مروح
اصلى سكران وحاسسنى بطوح
سكرت وسكرى كان بزياده
لما الحبيب طل عليا وصبح
لما اموت هتنسوا انى كنت فى يوم بينكم
وانى حتى كنت واحد منكم
بتلوموا على كلامى وتتباكوا ليه
وانتوا ناسينى وانا لسه فى دنيتكم
دنيا ملهاش ايتها عازه
بس عند ناس تانيه منعازه
السعيد ال يعمل لاخرته ف دنيته
قبل ماياخد منها الاجازه
احمد ربك على صحة الابدان
غيرك يتمنى يشتريها باغلى الاتمان
عيش معافى بحبة ملح ولقمة عيش
ولا انك تعيش غنى عليل الجسم عيان
اللى داق المر قبلك
يموت عياط لما يقابلك
اعمل معروف متخلنيش اشوفك
لاحسن دموعى تبل دقنك
لحظات الفراق بتوجعنى
خصوصا وانت جى تودعنى
نخلى وداعنا من بعيد لبعيد
وبالاحضان نسلم لما ترجعلى
اصيل وملك امر الاصيل فى ايده
وكان طول عمره عبد من عبيده
ولان الطبع غلاب باع واشترى فيه
ومعملهاش الاصيل لما كان سيده
حسبى الله ونعم الوكيل
فى كل حد عن الحق يميل
على قد نيته يارب اديلوا
وبنفس المكيال اوفيلوا الكيل
فوضت امرى اليك يابصير بالعباد
قلوب الخلق صبحت مليانه بالعناد
اللى فى الدماغ هو فى الدماغ
لانا قادر اغير ولا ينفع انقاد
دول ناسى واسرتى
دولا اهلى وعزوتى
اصدقاء النت والفيس
كل شيئ غالى فى دنيتى