بقلم / رنا العربي
_الفصل الثاني_
_بعد نص ساعة تناولوا الغداء وجلس مهاب مع أميرة ،وسرين ليتناولوا القهوة ويحكي لهم عن الشئ المهم _
سرين : عندي فضول يا بابا اعرف
أميرة : وانا اوي ،بس ان شاء الله خير يعني
مهاب : بصراحة انا عاوزه اقولكوا أن عبد الرحمن الصياد بن الحاج يوسف الصياد رجع من أمريكا وفتح مكتب محماه في إسكندرية ،ولما عرف أن سرين تالتة حقوق قالي أنها تدرب معاه في المكتب، وكدا.
سرين : بس أنا لسه يا بابا بدرس ،وبعدين أنا هعمل أي في المكتب وأنا لسه متخرجتش؟!
أميرة: مهاب أنا بنتي بتدرس مش هشغلها بالشغل أنا .
مهاب : يا حبيبتي هي هتروح ساعتين تدريب مش أكتر عشان لما تتخرج تبقى متمكنة ،وعارفة كل حاجة .
سرين: اللى حضرتك تشوفه يا بابا ،بس الأول ماما أميرة توافق
*قطع حديثهم جرس المنزل ،سرين تتجه إلى الباب وهي تقول :اللي ماما أميرة عاوزة بردو ها ملناش غيرها يا حجوج وتفتح الباب لتجد خالتها رباب التي لم تراها مُنذ خمس سنوات *
رباب: ملكيش غير مين يا سرين دي مش أمك .
سرين بأندهاش : خالتو رباب!!!!!
رباب : ايه مالك نسيتي أن ليكي خالة ،ولا ايه يا بنت أختي ،ولا مرات أبوكي نسيتك أهل مامتك الله يرحمها .
سرين بعصبية: مسمهاش مرات بابا ،اسمها ماما ،هي اللي ربتني وكبرتني ،وعمرها ما قستني على أهل ماما الله يرحمها ،بعد ما تيته ما توفيت نسيتو أن ليكوا بنت أخت ،مش هقبل أن أي حد يهين ماما أميرة حتى لو كان حضرتك .
أميرة : سرين عيب ،خالتك رباب في بيتك وأخت مامتك الله يرحمها مينفعش تكلميها كدا يا ماما .
سرين وهي تبكي : يا ماما حضرتك سامعة بتتكلم أزاي ،بقالي خمس سنين محدش سأل عليا حتى لو رسالة ،أو مكالمة ،أكن تيته هي اللي كانت بتجبرهم يسألوا عليا .
رباب : لأ أنتِ متعرفيش الظروف ايه أنا كنت مسافرة ولما جوزي مات رجعت مصر أنا وياسين .
سرين : حمدالله على سلامة حضرتك ، بس ده مش مبرر في نت ممكن تكلميني عليه ،في موبيل ،مفيش مبرر تنسوني ،وكمان بتتكلمي على ماما أميرة أنها مش أمي .
أميرة : خلاص يا جماعة صلو على الحبيب المصطفى ،وحصل خير والضفر مش بيطلع من اللحم ،خلاص يا سري دي خالتك بردو حقك عليا أنا ي حبيبتي ،هي كانت مسافرة .
سرين : حاضر يا ماما .
((أمي تعلمي مدى عشقي لكِ نعم لستُ أمي التي انجبتني لكن أنتِ من جعلتيني فتاة علمتيني الكثير يا رفيقتي ،وأمي التي أعشقها، فلاتحزني من كلامهم الذي بلا طعم أنتِ الحياة والأم الحنونه )).
*تاني يوم*
أميرة : سري يلا أصحى عشان تروحي مع بابا لعبد الرحمن .
سرين: يا ماما بقا عاوزه أنام مصدقت النهاردة مفيش كلية.
مهاب وهو يضحك : قومي يا بت بلاش كسل هجبلك مصاصه.
سرين وهي تنهض مثل الأطفال : الله مصاصه أنا لبست أصلا يا نور عين بنوتك.
_ضحك مهاب ،وأميرة وقالت أميرة :والله طفلة_
سرين: ايون أنا طفلة .
_لبست سرين فستان ازرق هادى وبسيط بيه حزام أسود اللون ،وحجابها الذي زادها جمالاً_
أميرة: اللهم بارك بسم الله ما شاء الله ،بنتي زي القمر
سرين : ربنا يخليكي ليا يا ماما ، يلا يا سي بابا لما نشوف ٱخرة المكتب ده ،اوعى تنسى المصاصه ها.
مهاب : يلا يا بت امشي قدامي ،أنا خايف تتعكسي أصلاً
_بعد نصف ساعة وصلوا إلى مكتب عبدالرحمن الصياد _
*عبد الرحمن اول ما شاف سرين دق قلبه يعلن عن دخول سرين قلبه من أول نظره لها *
مهاب : سرين بنتي ياعبد الرحمن ، يا عبد الرحمن.
عبد الرحمن وهو ينظر لسرين : ها ايوا ازيك يا عمو مهاب ؟!
مهاب :كويس الحمد الله ،خلي بالك بقا منها وظبطوا المواعيد مع بعض ،أنا رايح المصنع بقا ،سري خلصي وكلميني ها .
عبد الرحمن : متقلقش عليها يا عمو
سرين : حاضر يا بابا
_ذهب مهاب للمصنع وبقت سرين في مكتب عبد الرحمن _
عبد الرحمن : قوليلى يا سرين بتحبي كليتك ؟!!
سرين : ايوا الحمد الله ،وبروح ثلاث أيام في الأسبوع من 10 ل 4 واوقات 6 او 7 على حسب المحاضرات
عبد الرحمن : متقلقيش هنظبط المواعيد وهساعدك في الكلية كمان .
سرين :شكرا لحضرتك
عبد الرحمن : حضرتي ايه يا بنتي أنا اكبر منك بخمس سنين بس وعم مهاب هو اللي مربيني .
سربن : تمام يا فندم ممكن افهم هعمل ايه بالظبط
عبد الرحمن:خلصنا من حضرتك طلع يا فندم ،ماشي هفهمك .
_في منزل مهاب يدق جرس الباب_
أميرة : ايه ده هي البت سري لحقت ،اقوم اشوف مين .
تفتح أميرة الباب لتجد……
