زمن طيبه وأخلاق
شاعرالعاميه جلال محمد /كفرالشيخ
………..
إحنا من زمن
قرص الطعميه
أبوقرش
إحنا
زمن إللي غمس
رغيف العيش بالمش
وشوفنا الأبيض وإسود
قبل مايخترعوالدش
وأكلنا الزبادي لما
كان له وش
ونمنا علي المراتب
المحشيه قش
إحنا
جيل وابورالجاز
إللي حش وسط
أمهاتنا حش
وروحنا المدارس
علي رجلينا مشي
وإتربينا ع الحب
مش كل يوم بوش
وعلمونا نحترم الكبير
لما يوم علينا يخش
وإحترمنا أستاذنا
ومعرفناش
يعني إيه غش
كان زمن طيبه وأخلاق
ومحبه وإحترام
كان زمن مفهوش غش
……….
2021/9/2
