سألت قلمي….

سألت قلمي….
سحر أبوالعلا
سألت قلمي….
مالك يا قلمي حزين؟
جاوبني.
واللي يسكن صوابعك.
هيجيب الفرح منين.
ما انت حزين.
أيوة حزين.
والحزن ساكنك من سنين.
قولتله اكدب يا قلمي.
واكتب عن الفرح كلمتين.
قالّي.
وانا بجيب اللي بكتبه منين.
واللي يعرفك هيشوف الفرح فين.
قولتله يا قلمي.
اكتب عن السعادة.
ترجم الضحكه اللي شايفها.
فوق شفايفي.
قالي ضحكه كدابه وراها قلب حزين.
قولتله وبعدهالك يا قلمي.
قالي هنهرب من الحقيقة نروح فين.
رديت وقولتله.
آه منك يا قلم الحزين.