شعر: محمود نورالدين
شاب مصري شاب عادي
جاله شغله في الكويت
فاستخار الله وسافر
قال هتفرج يوم ما جيت
اشتغل وبكل طاقته
وبأمانة والتزام
واحترم قوانين وظيفته
وماشي صح وفِي التمام
بس فجأة طلعله واحد
عنصري وحمار وجاهل
اختلف وياه في حاجة
راح ملطش راح مناول
يصفعه ويضرب ويشتم
والولد ساكت وسامع
ينضرب على وشه لكن
مش بينطق او يدافع
والسؤال المر هو
ليه يا كلب تمد إيدك
ليه بتستقوي في بلدك
يالّي أصل المصري سيدك
مصر دي يا عجل عيلتك
ليها جيش إيده متينة
لما جيش صدام دهسكم
قلتوا يا مصر الحقينا
واللي درسلك في بلدك
في المدارس والمعامل
برضو مصري علمه عالي
فهمك يا بو مخ جاهل
قولي يا سبع الليالي
يا جاموس بنلجمه
لو ده هندي أو نيبالي
كنت برضو هتظلمه ؟
ولو فلبيني كمان
وانضرب كان مرمطك
كان شكاك لسفير بلاده
والبوليس كان عيّطك
بس برضو حقه راجع
والوزيرة معاه بقوة
والكوايته برضو فيهم
اهل عدل وأهل نخوة
اتقي ربك يا ظالم
واتعظ وبلاش غرور
مش بعيد يغدر زمانك
والغني يصبح فقير
قطع روحك قطع إيدك
يا خروف هاج واعتدا
والله لأقرا عليك ليلاتي
وكل يوم تبت يدا