صباح_مصري ….
شوف العقد والكلاكيع ….
بقلم د. سمير المصري
تصدق الكذب زي الهبل ، وتصدق الأقنعة اللي علي الوجوه ، فهل الأقنعة لا تعرف الكذب
انها هى الوجوه الحقيقية، وبما أننا فى بلاد تؤمن بالأساطير
مثل أهل قارتها السوداء ، فنحن نصدق كل مايقال لنا حتي ولو كان أسطورة من الأساطير التي لا تحدث الا في الحواديت
عندما تسالك احداهما لماذ تحمل في ايدك هذه الوردة الصفراء
لابد ان تقول لنفسك انها لا يحق لها أن تسأل لمن الورد الأصفر؟
و لكن فعليا أنت تسمح لها بالدخول إلى عالمك السرى دون استئذان
وايضا تعطى لها الحق فى أن تحصل منك على إجابات حتى لو كنت مقتنعا بالعكس تماما ،
انها تملك ذلك التأثير عليك ،نعم بل وتبتزك يوما بعد يوم باسم الصداقة التاريخية التي بينكما ،
ان صاحبة السؤال لا تدع لك مجالا بأن تسأل نفسك هل كل علاقة قديمة
مرت عليها سنوات وسنوات، بضرورة الحال تكون صحية أو سوية؟
ألم تكن هناك علاقات كانت وليدة ظروف وانتهت؟
لكل هؤلاء الأشخاص الذين يتدخلون في أدق تفاصيل حياتك
وهم بعيدون عنك ويحملون اقنعة الزيف والكذب والبهتان
يتدخلون في كل امورك حتي سؤالك عن لون ملابسك وطريقة حديثك ونوع طعامك
حتي طريقة تناولك لطعام اهرب موضحا لهذه الكائنات أنها غير مرغوب فيها. وابحث عن نقطة النور بداخلك ،
دور عن مصادر جديدة متغيرة ومتنوعة للطاقة، بعيدا عن الرغبة فى السيطرة والأطماع والراحة على حساب الآخرين ،
بعيدا عن النزعة الاستهلاكية والزيف والتملق والغرور
فلا تتوقع للسعادة أن تأتى من أطراف خارجية
بل هى كامنة انت الذي تحملها بين ضلوعك
انها تنتظر أن تخرج إلى النور وأن تترك لها بابا للخروج
بعد أن نزيل كل العوائق الذهنية والأفكار البالية
وكل الأشخاص المؤذية ، لكى تعيش في سكينة وراحة من النفس .
في ناس كدة لما بنختار انهم يفضلوا في حياتك لمجرد انك بنحبهم بزيادة أو مصلحتك في وجودهم معاك
أو لأنهم عشرة سنين أو لأنه أبو الأولاد أو لانها أم العيال أو انك ما تخيلتش حياتك من غيرهم هتكون ازاي .
مع العلم ان دول حرامية افهم كمان أن دول ممكن يكون لهم حياتهم الخاصة و أن احتمال كبير جدا أن حضرتك ما ماتكون من ضمن الأولويات المهمة في حياة البني ادميين دول
و لكنك مصدر من المصادر اللي بتخلي الناس دي تفضل عايشة و مكملة حياتهم.
عارف حضرتك ان ده طبعا ما بيحصلش إلا لما حضرتك بتبقى مِسلم نفسك لهم تسليم أهالي و ده يرجع ان غالبا مكانتهم عندك كبيرة .
وطول ماهو عاوزك هيطلبك ، وطبعا يلاقيك وقتها ادامه علطول
ووقت ما يحزن ايديك أول ايد تتمد له ، ووقت ما يحتاج فلوس بيحط ايده في جبيك عشان عارف انك هتنقذه حتى لو عارف ان انت فعلا مش معاك و انك أصلا محتاج.
الراجل اللي مش طايق مراته بيفضل معاها العمر عشان خاطر الأولاد و الزوجة اللي بتتحمل غباءات و خيانات زوجها على الوضع قدام الناس ، و الشكل الاجتماعي و طبعا عشان خاطر الأولاد بتسكت و تكمل الحياة ..
الخلاصة
دول لازم نعتبرهم أكبر حرامية في الدنيا كلها ، دول مش بس بيسرقوا أعمار بعض وسنين العمر ، لا و كمان بيسرقوا راحة بال اولادهم ،
كل ده ليه ؟ يعني مش علشان انك اخترت غلط في الاول يبقي انك تفضل مكمل لانك بكده بتكون بتسرق أعمار عيالك و بتسرق الفرحة من عينهم و بتربي عقد و كلاكيع بتطلع في خلق الله وكتير تاني حواليك
بني ادمين تانين . مع انك لو كنت انفصلت بالحسنى كنت اشتريت عمرك ، و سعادة اولادك ، لكن احنا بنخاف من التغيير.
غدا صباح مصري جديد ،،،،،
د سمير المصري
